廣州市第2中學
廣州市第二中學（英文：Guangzhou No.2 High School），簡稱廣州二中，係中國廣東廣州嘅一間公辦全日制完全中學，於1930年8月創立。
| 廣州市第二中學 Guangzhou No.2 High School | |
|---|---|
 | |
| 地址 | |
| 應元路校區：越秀區應元路21號 科學城校區：黃埔區科學城水西路11號 | |
| 明細 | |
| 類 | 廣東省一級學校 廣東省國家級示範性高中 |
| 校訓 | 頂天立地 |
| 成立 | 1930年8月 |
| 校長 | 張先龍 |
| 區 | 科學城校區約500畝（33公頃） |
| 校色 | |
| 級別 | 應元路校區：初中三年全日制 科學城校區：高中三年全日制 |
| 網站 | http://www.gdgzez.com.cn |
佢係廣州市同廣東省重點中學，亦係廣東省國家級示範性普通高中。宜家有3,931個在校學生同埋372個教職員工。
校史
編輯建校前
編輯清嘉慶二十五年（1820年），兩廣總督阮元借用廣州城西文瀾書院（喺而家下九路文澜巷一帶）開辦學海堂。道光四年（1824年），阮元將學海堂遷至廣州城北粤秀山麓（今越秀山）嘅新校舍。係阮元嘅努力下，學海堂成為當時廣東文化學術嘅中心。[1]學海堂自創辦以來，培養咗好多人才，比如陳灃、桂文灿等就係當時嘅高材生。光緒二十九年（1903年），學海堂被廢開，改為紀念阮元嘅阮太傅祠；之後喺1911年冇咗。[2]
清同治六年（1867年），廣東巡撫蒋益澧同方浚頤一齊創辦菊坡精舍，並請咗陳灃為學長。菊坡精舍喺當時培養咗不少人才，佢啲學生對晚清廣東地方文化以至全國嘅政局，都有過一定嘅影響。之後喺光绪二十九年（1903年）停辦，改為陳先生（陳灃）祠。[3]
清同治八年（1869年），廣東布政使王凱泰喺應元宫前創辦專供擧人肄業嘅應元書院，成為當時廣州嘅最高學府。[4]之後科舉沒落，應元書院就唔受追捧。光緒二十九年（1903年），書院停辦，改做廣東先賢祠。[2]
清光緒三十二年（1906年），清朝宣布正式廢除科舉制度，原先為咗參加科舉考試而設立嘅書院因而失去咗存在嘅意義同價值。呢個時候，新式學堂紛紛興起，廣州地區嘅書院由此發生巨變，一係消失，一係改建為學堂。[5]光緒三十四年（1908年），兩廣總督張人駿喺應元書院、菊坡精舍舊址創辦以保存國粹為宗旨嘅廣東存古學堂，之後喺1911年停辦。[6]
辛亥革命之後，喺1921年，學海堂舊址改立執信學校（而家嘅執信中學，佢喺1923年遷到現在東沙路嘅校址）。1929年，廣州市立第一中學搬到學海堂舊址。
建校後
編輯1929年，開始籌建「廣州市立第二中學」。1930年8月，廣州市立第二中學正式成立，第一任校長係教育界知名人士徐甘棠。當時實行初中三年、高中三年嘅「三·三制」學制。初時係喺西關逢源正街嘅禮拜堂同民房作爲臨時校舍。1932年，學校搬到蓬萊路連慶沙地嘅新校舍（而家廣州一中嘅校舍）。1934年，增辦高級中學，招男女新生各一個班。1935年，只招收女仔；次年，所有男生撥歸廣州市一中，廣州市一中與廣州市三中合併為廣州市第一中學男校；而廣州市一中嘅女仔全轉到廣州市二中，成為女校。1938年，廣州市一中同市二中嘅高中合併為市高中；同年，廣州淪陷，廣州市二中停辦。[7]
1947年9月, 廣州市二中係應元路原市一中校址復辦，復校嘅校長係立法委員王孝英。1949年11月，廣州解放，軍代表賴奕輝接管廣州市二中。1951年3月，廣州市立第二中學改名做廣州市第二中學。1956年，俾廣州市人民政府評定為廣州市重點中學。
1967年1月，文化大革命爆發之後，羣衆組織奪權，學校工作全面癱瘓。1969年冬，喺廣州花縣獅嶺振興白水寨荒山坡上起咗個農村分校。1974年冬，分校搬到廣州市郊竹料公社陳洞大隊陳洞水庫隔離。1978年3月，學校革命委員會撤銷；同年8月，陳洞分校撤銷。[8]
1994年，被評為廣東省一級學校。2007年，被評為廣東省國家級示範性普通高中。2010年，被評為廣東省第一批青少年科學教育特色學校。2012年，學校個英文名由Guangzhou No.2 Middle School改爲Guangzhou No.2 High School。
校區介紹
編輯應元路校區（校本部）
編輯應元路校區係初中校區嘅所在地，喺越秀山南邊，曾經係廣州著名嘅書院「學海堂」、「菊坡精舍」、「應元書院」嘅所在地。喺科學城校區建立前，一直係公立學校嘅唯一校區，所以依家重嗌佢做校本部。
科學城校區
編輯教育集團
編輯廣州二中教育集團係廣州市第二中學創立嘅一個教育集團，目前形成咗「一校（廣州二中）、兩核（應元路同科學城校區）、三類（公辦學校、國有民辦、委託管理）、四區（越秀、黃埔、增城、南沙區）、五元（應元、蘇元、會元、開元、天元）」嘅格局。一般嗌佢哋「大二中」。
目前除咗廣州二中外，廣州二中教育集團仲包括以下學校：
- 國有民辦學校
- 廣州市越秀區二中應元學校：係間初中，個名出自應元書院。
- 廣州市二中蘇元實驗學校：係間寄宿初中，個名出自隔籬嘅蘇元山。
- 託管公辦學校
- 廣州市黃埔區會元學校：二中管理嘅一間黃埔區九年一貫制公立學校。
- 廣州市黃埔區開元學校：二中管理嘅一間黃埔區公立小學及完全中學。
- 廣州市增城區應元學校：二中管理嘅一間增城區公立初級中學。
- 廣州市第二中學南沙天元學校：二中管理嘅一間南沙區公立完全中學。
出面網頁
編輯出處
編輯- ↑ Benjamin A. Elman (2006)。车行健[译]。〈学海堂与今文经学在广州的兴起〉。《湖南大学学报：社会科学版》。20 (2)。原先內容歸檔喺2017-12-01。喺2017-11-18搵到。
- ↑ 2.0 2.1 曹思彬 (1989)。〈广州历代书院的沿革〉。《教育导刊：上半月》 (4)。原著喺2020年3月16號歸檔。喺2019年11月13號搵到。
- ↑ 曾凡亮 (2009)。《菊坡精舍考》 (論文)。中山大学。
- ↑ 〈应元书院--广州市越秀区图书馆〉。wap.gzyxlib.cn。原先內容歸檔喺2017-02-20。喺2017-02-20搵到。
- ↑ 张洁铃 梁宝莹 卢佩珊 卢嘉韵 于锦花 (2015)。〈广州书院文化源流考〉。《嘉应学院学报》 (10)。原著喺2020年3月16號歸檔。喺2019年11月13號搵到。
- ↑ 〈广州书院全部改为学堂 - 广州市地方志〉。原著喺2017-11-17歸檔。喺2017-11-16搵到。
- ↑ 叶志盛等。〈中等教育-广州市第二中學广州市越秀區圖書館〉。《《越秀春風-广州市第二中學建校70周年紀念 (1930-2000) 》》。原先內容歸檔喺2017-08-09。喺2017-08-09搵到。
- ↑ 〈二中校史之我見 (1930年至1978年) [廣州二中校友論壇]--powered dvbbs.net,2007-9-4 畔 11:02:34〉。2007-09-04。原著喺2007-09-04歸檔。喺2017-08-04搵到。