廣州市第14中學
(由廣州市第十四中學跳轉過嚟)
廣州市第14中學係中國廣東廣州冇咗嘅全日制中學，大清光緒卅一年（1905年）成立，1984年停辦，位置大概喺而家嘅越秀區惠福東路近廣州起義路口嘅位。
| 廣州市第14中學 Guangzhou No. 14 Middle School | |
|---|---|
| 位置 | |
| 大概惠福東路近廣州起義路口嘅位 | |
| 明細 | |
| 成立 | 大清光緒卅一年（1905年） |
| 停辦 | 1984年 |
| 校區 | 越秀區 |
| 級別 | 中學六年全日制 |
史
編輯千頃小學堂
編輯大清光緒卅一年（1905年），黃氏族人喺舊時嘅千頃書院位搞咗間學校，嗌千頃小學堂[1][2]，但嗰時凈限招黃氏啲細路入學。後嚟隨住規模發展，喺1911年辛亥革命期間改名做千頃國民學校[3]。直到1926年取消咗小學部兼改辦成新制初級中學，學校亦改名做私立千頃中學重喺三年後加開埋高中部[3]。喺嗰時嚟講屬廣州市設備比較完善嘅私立中學之一[3]。但1938年因廣州淪陷而搬到茂名一帶避難直到1946年秋搬返轉頭。
1949年10月14號，學校先後將高陽、培美、知行呢三間私立中學合併咗[4]。
藹文中學
編輯1947年，莫紀彭同胡根天返到廣州之後，用咗佢老婆嘅名嚟開辦學校，嗰時出現咗私立藹文中學[5][4]。不過喺開辦第三年改名做廣州市新民中學[4]。
兩校合併兼停辦
編輯1953年，由於廣州市人民政府開始接手千頃同藹文兩間嘢，加上嗰時規定唔畀有私人機構而將兩間學校合併，改名做廣州市第14中學。期間佢一直係間獨立嘅公辦學校，1969年春因15中停辦，學校接收咗一大堆原先喺15中讀緊書啲學生同先生[6]。不過喺1984年，由於廣州市教育局決定要重辦廣東華僑中學而將14中取消，令有住79年嘅14中正式成為歷史[7]。
兩校合併之後，原先14中嘅校舍喺1985年拆咗。而佢隔籬嘅先賢千乘侯祠直到2009年俾越秀區人民政府發現先至重新關注。