廣州市第15中學廣州市一間冇咗嘅全日制中學,大清光緒廿九年(1903年)成立,1969年春停辦,位置大概喺而家嘅越秀區德政北路中山四路嘅交界東北角(而家廣州少年兒童圖書館嘅所在地)。

廣州市第15中學
Guangzhou No. 15 Middle School
位置
大概德政北路中山四路嘅交界東北角
明細
成立大清光緒廿九年(1903年)
停辦1969年春
校區越秀區
級別中學六年全日制
15中淨低未拆嘅三層樓教學樓遺址

編輯

呢間學校初期時從番禺學宮演變而來。喺大清光緒廿九年(1903年)受到廢除科舉制度政策影響,令學宮開始轉型,變成間學校,名亦變成番禺官立高等小學堂。但6年後改辦成番禺官立初級師範學堂長達3年,又改辦成番禺縣立師範學校。15年後又改辦成番禺旅市師範學校。1929年加開中學部而成為完全中學機構。1932年因為番禺縣政府搬到新造鄉(而家係番禺區新造鎮),番禺旅市師範學校亦搬埋出廣州,原址改成辦私立禺山中學。變成禺山中學後,雖然喺1936年成為廣州市内規模比較大嘅中學之一,但兩年後因為日軍侵華,廣州淪陷,學校被迫搬到香港同八桂中學合辦,期間一直用緊禺山八桂聯合中學個名,直到1946年日軍投降為止。日軍投降後,學校搬返去舊時嘅德政北路同中山四路嘅交界東北角繼續開辦[1]

1949年10月14號,學校同嗰時嘅嶺嶠、中德、八桂、開越呢四間中學合併而改名做廣州市八桂中學。4年後因受到私人機構轉為公辦機構嘅規定影響,學校改名做廣州市第15中學,持續咗13年時間。1969年初春受到文革破四舊影響,加上嗰時農講所搞擴建工程,令學校連同中山四路小學一齊,一夜消失到無影無蹤[2]

後續 編輯

學校停辦之後,一大堆嗰時讀緊書啲學生同教書啲先生集體搬到14中入面繼續上堂。而原址隨後演變成農講所嘅一部分,部份教學樓亦演變成民宅同幼稚園機構,而圖書館大樓變成廣州圖書館一部份直到2013年4月1號停用為止[2]。從2015年3月1號開始,圖書館大樓改成辦少年兒童圖書館用途[3]

睇埋 編輯

編輯

  1. 第六章 中学教育 互聯網檔案館歸檔,歸檔日期2020年3月28號,. 广州市政协
  2. 2.0 2.1 星火燎原馆:喧嚣时代的红色记忆 奥一网 (2013-04-23)
  3. 广州少年儿童图书馆新馆开馆 市长陈建华现场见证 互聯網檔案館歸檔,歸檔日期2020年3月16號,. 南方网 (2015-03-01)