廣州市電車公司

(由廣州電車公司跳轉過嚟)

廣州市電車公司粵拼gwong2 zau1 si5 din6 ce1 gung1 si1)係中國廣東省廣州市嘅一間巴士公司,喺1962年4月1號成立,總部喺荔灣區中山八路64號。而家係廣州市第一巴士屬下嘅一間公司。

廣州市電車公司
類型巴士公司
開檔1962年4月1號
總部地址中國 中國廣東省廣州市
荔灣區中山八路64號
產業公共汽車
產品公共運輸營運同管理
網址http://www.gzdc.com.cn

編輯

 
喺2002~2007年出現嘅電車公司巴士品種
 
喺1999~2013年出現嘅電車品種
内文:廣州電車

第一次世界大戰前後,全球好多大都市都有電車出現。喺遠東地區,香港早就喺1902年搞咗電車公司,1904年通車;而上海喺1908年3月都搞咗電車出嚟。嗰時廣州一直都冇電車,好多人都有咗「電車夢」。

喺1915年2月10號因廣東巡撫使公署落咗批文喺大沙頭工程局搞電車,原計劃喺沙面對開嘅沙基去到大沙頭嘅路線,但呢個計劃一直未實現[1]。中共建國前,嗰時嘅市政府就試下喺盤福路附近鋪軌嚟發展有軌電車,但由於嗰時太多戰亂,材料甚至喺抗日戰爭期間,冚唪唥失嗮蹤,結果一直都冇實現[2]

直到1960年9月,廣州市無軌電車通車之後,廣州終於有咗屬於自己嘅電車,從而實現廣州嘅「電車夢」[3],嗰時凈係開通咗1條路線[4]。而佢嘅公司喺1962年4月先至正式成立,路線就多咗3條,變成4條路線,同而家嚟比,重好少。直到1980年代初,由於電車開咗4條,凈係畀越秀、東山、荔灣三大中心老城區啲居民服務。

1986年,電車路線去到7條,跟住電車路線冧都改嗮「10X」嘅三位數樣。但由於1989年因廣州市區啲馬路越嚟越多車,搞到原先越秀公園嘅101同103號嘅電車總站搬到而家嘅機場路廣園中路交界嗰邊,三元里村附近。而105路電車同104路電車差唔多噉行,加上客流太少嘅關係,結果105號電車開咗無耐就停咗,直到1999年先至恢復返。喺1991年,電車公司先至開始出現巴士版嘅路線。

1999~2001年,廣州市人民政府批准咗新一期嘅廣州發展規劃而搞新一輪嘅電車發展經歷,結果呢3年內,電車路線去到11條。北邊總站同東邊總站都分別改成而家嘅黃石立交同沙河附近。

2003年1月,廣州市電車公司實現咗三線跨江營運嘅歷史性突破,第一次殺入海珠區[5][6]

2004年底,廣州嘅109、110、111號電車因為廣園東路同恆福路交界嘅立交橋施工嘅關係先至縮短到恆福路總站,直到2005年秋冚唪唥先至恢復返到而家嘅天平架總站。

從2007年10月開始,由於廣州政府話要解決公交企業嘅惡性競爭同巴士公司數量越嚟越多嘅問題,開始整合巴士資源[7],結果呢間巴士公司同一汽巴士新穗巴士合併咗,變成而家嘅第一巴士公司,而汽車換成第一巴士裝飾係從2007年11月13號開始刮起浪潮[8]。直到2009年先至全面整成而家嘅第一巴士公司。

編輯

  1. 广州市电车公司荣获“老字号”称号 互聯網檔案館歸檔,歸檔日期2015年4月2號,. 網易汽车 (2012-04-05)
  2. 民国广州“电车梦” 互聯網檔案館歸檔,歸檔日期2015-07-03. 财经网 (2013-04-27)
  3. 广州电车 互聯網檔案館歸檔,歸檔日期2015年4月2號,. 太平洋电脑网
  4. 百年电车 广州记忆 互聯網檔案館歸檔,歸檔日期2015年4月2號,. 广州市电车公司
  5. 中国广州发布 新浪微博
  6. 2003年1月23号嘅羊城晚报头版报纸
  7. 广. 中國客車網. 2009-09-18. 原著喺2016-03-06歸檔. 喺2015-06-26搵到.
  8. 巴士换装 市民不识(组图) 網易 (2007-11-14)

連出去 編輯

出面網頁 編輯