廣東俗語考

《廣東俗語考》，又叫《廣東方言》，係一本研究廣東話用詞嘅書。作者係孔仲南。本書喺1933年由南方扶輪社出版，分上下兩冊，上冊八月出，下冊十二月出。

出書嘅目的

作者孔仲南喺廣東俗語考嘅自序度咁話，粵語，多數合乎「古音古義」。好似頭、面、頸、喉、大髀、日頭、月光、粥、飯，呢啲詞都係出自《五經》。粵語啲嘢嘅名雖然係正牌，點解粵名好多「求其聲而無其字」，皆因中文字同讀音分開，喺「輕重清濁之間」就變咗音，好似【無】讀做「母」、【返】就讀做「翻」、【勿】讀做「米」，想寫都唔知點寫，於是乎就「生安白造」整啲字出嚟，即使屈翁山寫嘅《廣東新語》土言一篇入面亦有呢個問題，造出嘅字唔少，「文學大家」係咁，何況「俗人」。作者將平時考究倒嘅廣東字收入書，希望廣東言語學唔會冇咗。呢本書亦將啲錯嘅寫法一概改返啱。

結構

上卷有自序、釋天時、釋地理、釋宮室、釋衣服、釋飲食、釋形體、釋疾病、釋動作上篇、釋動作下篇。其中「宮室」係同建築同建築物有關嘅。下卷就有釋聲氣、釋性質、釋情狀、釋疊字、釋名稱上篇、釋名稱下篇、釋器具上篇、釋器具下篇、釋動物、釋植物。

唔入書

粵語為咗避忌，將【舌】改做「脷」，【肝】改咗「膶」，諸如此類嘅好多，因為唔知點嚟，唔收入書。「不雅馴之市語」都唔收。未考究倒嘅字，「寧缺無濫」，亦一慨唔寫入書。

睇埋

• 廣州語本字

出面網頁

• 廣東俗語考（粵語文化傳播協會網上版）
• 廣東俗語考 （下卷） (南方扶輪社民國弐拾弐年十二月初版)