開主選單
從出面望過去廣東科學中心嘅樣
正面
背面

 廣東科學中心粵拼gwong2 dung1 fo1 hok6 zung1 sam1英文Guangdong Science Center)係中國廣東廣州嘅一間有科普教育、科技成果展示、國際學術交流同科普旅遊等4大功能嘅教育基地,亦係廣東地區實施科教興粵同人才強省戰略、提高全民科學文化素養嘅大型綜合性科學場館。喺2008年9月26號開放,位置喺番禺大學城西南角嘅科普路外環西路之間嚿地皮入邊。

佢既係廣州嘅城市名片,又係廣東科技成果展示嘅緊要窗口,甚至係中國同亞洲地區最大嘅科普教育基地之一。展館嘅口號係「親近科學 擁抱未來」。

目錄

中國大陸喺1978年改革開放後,廣東冇乜大型科技活動場館。廣東省委同省政府一直諗住搞間世界級嘅科學中心,但嗰時因為經濟落後,加上生產技術能力比較低,所以一直未搞到。直到1996年,嗰時廣東省省長盧瑞華話要搞間大型科學綜合活動場地及現代化嘅科學中心,而省政府喺1997年正式批准咗呢項決議,喺省政府嘅領導下,省府辦公廳、省發改委、省財政廳、省建設廳同省科技廳等有關廳局、廣州市政府一齊搞咗廣東科學中心專案建設工作領導小組。設計方案一直揀咗好耐,最後揀中「木棉花造型嘅科技航母」方案而設計。建築喺2004年3月28號正式開工,工程先後有50幾間單位嚟參加起呢間嘢,直到2008年夏天搞好。同年9月26號,建築正式開放。

概況

  • 佔地面積:450,000m²
  • 建築面積:13.75m²
  • 入面有10個主題展館、480幾件展品、4座影院。
  • 其中四座影院包括:
    IMAX4D球幕、虛擬航行動感技術嘅影院。
  • 出面有將自然、藝術同科技夾埋一齊嘅室外科學探索樂園。包括:
    8公頃嘅生態湖、2000幾種嶺南特色植物、60幾種室外展項。
  • 從出面望去成間建築個樣,正面好似銀兩,背面好似並排嘅4座輪船,上空睇落去(從東向西望)好似個木棉花噉。

佈局

間嘢總共有4層樓,包括地上3層樓同地下1層樓。

  • 0樓主要係展覽館西邊嘅親水平台同建築中間嘅中庭為主
  • 1樓主要係科學探索商舖、個人或團體及電影售票處、重有其它接待同埋入場服務。
  • 2樓主要係探索奧秘展館同特殊影院為主
  • 3樓主要係文化同科技展館為主

展館分佈

實驗與發現館

喺展館2樓東南角,入面以科學史上重要嘅科學發現做線索,展示出科學嘅發展歷程。重體驗到伽利略牛頓法拉第等一系列科學家嘅偉大發現過程。

兒童天地館

喺展館2樓南邊,入面專門向未夠12歲啲細路搞互動遊戲、角色扮演、情景體驗入面一邊玩科學,一邊探索科學,入面有超市、安全屋、畫室、水電站、汽車廠、麵包屋等設施都有齊,但佢哋都係清一色卡通版。嗰度既係細路嘅「成年人世界」,又係細路嘅歡樂學堂。

數碼世界館

喺展館2樓西南角,入面以電腦、網絡、通信、數字娛樂嘅展覽為主,可以通過數字技術知識同日常應用而感受佢哋嘅魅力。

交通世界館

喺展館2樓西南角,入面專門搞汽車嘅工作原理同埋最新嘅汽車文化同技術,重有將來嘅城市交通係點。入面可以搞拆解同組裝汽車,甚至模擬駕駛、模擬車禍同翻車。

綠色家園館

喺展館2樓西邊,入面專門搞同介紹嶺南生態同自然生態環境變遷規律同各種生態危機,災害劇場嘅部分場景可以模擬到好似《超強颱風》、《驚濤駭浪》、《2012》等一系列災難電影嘅效果。

飛天之夢館

喺展館2樓西邊,入面專門搞航空同航天嘅知識同技術,及中國航天事業攞到嘅成就。入面有模擬坐滑翔機同熱氣球、重可以搞航天訓練同模擬太空漫步同模擬坐鎮航天發射中心等等一系列航天啲嘢。

人與健康館

喺展館2樓西北角,入面專門講人體嘅內臟結構同宣揚健康概念,重有解開健康之謎。

感知與思維館

喺展館2樓西北角,入面通過觀眾嘅一系列感知活動,將腦科學同心理學等學科內容相結合,等觀眾知多啲大腦同探索思維嘅神秘領域同親歷感知嘅奇妙體驗過程。

嶺南科技縱橫館

喺展館3樓西北角,入面專門講廣東從遠古到而家6000幾年嚟嘅科技發展同成就。

世博廣東館回遷展

喺展館3樓北邊,入面以2010年世博會廣東館做展覽,既用咗廣東嘅傳統特色,又用咗高科技嘅手法同諗法演繹咗人隊綠色生活嘅追求。但比2010年世博嗰時多咗綠色世博同低碳廣東啲嘢。

戶外科學探索樂園

喺展館出邊嚿地附近,搞咗60幾個經典嘅科普展覽項目,種咗2000幾種嶺南特色嘅植物同有自我淨化功能嘅人工湖。

門票同開放時間

開放時間
  • 平時:09:30~16:30
  • 週末或節假日:09:30~17:00
  • 逢每禮拜一閉館
門票

間場館雖然1樓同0樓係免費,但2樓及以上樓層必須要有門票先可以入去。其中:

  • 成人票每位60。
  • 6<歲數≤18(包括參加入境遊嘅青少年,但要有有效身份證明文件)/1.2m<身高≤1.5m嘅細路/全日制大學本科或以下學歷啲人(要有有效嘅學生證)/60≤歲數≤64(要有本人有效證件)/傷殘人士(包括雙下肢殘疾、智力殘疾、盲人,但至少要有位陪護人員陪同):半票
  • 歲數≤6(要出示有效證件)/身高≤1.2m(要度身高)/歲數≥65(要有本人有效證件)/現役或退役軍人或軍隊離退休幹部(要有軍官證)/殘疾人(要有殘疾證)/俾民政部門按規定而確定嘅低保救助對象(要有低保證)/五保戶(要有農村五保供養證):免票
  • 親子套票70,但要包括一位大人同一位1.2m<身高≤1.5m嘅細路。
  • 家庭套票120,但要包括兩位大人同一位1.2m<身高≤1.5m嘅細路。
  • 凡係活動當日咁啱撞正你嘅生日,畀身份證可以免費換展館門票,而同行親友(最多≤5位)當日買展館門票半票。
  • IMAX4D球幕虛擬航行動感技術影院要另外收錢,唔互通。
    IMAX影院40/人;4D影院30/人;球幕影院35/人;虛擬航行動感技術影院25/人。
    4D影院同虛擬航行動感技術影院有心臟病、高血壓、腦出血患者唔可以入場。
    IMAX影院同球幕影院,最多限帶一位身高≤1.2m嘅細路免費入場。
    4D影院同科技影院冇免票,科技影院一律全票。

附近嘅交通

出面網頁