朱由崧

(由弘光帝跳轉過嚟)

朱由崧1607年9月5號1646年7月1號)係南明第一位皇帝1644年登基,建都南京,跟廟號明安宗,因為年號弘光,又叫弘光皇帝

朱由崧迷戀酒色,係南明王朝咁多位君主當中,品格最差嘅一位皇帝。

生平

朱由崧係明神宗嘅孫,福忠王朱常洵嫡長子。崇禎十四年正月,李自成部隊攻陷洛陽,朱常洵死咗,朱由崧走甩咗,繼承咗福王個位。崇禎十七年(1644年)三月,李自成攻入北京,明思宗吊頸死。消息傳到南京之後,嗰度啲大臣擁立朱由崧做皇帝。佢喺五月登基,改第二年做弘光元年。

1645年三月,左良玉喺武昌起兵作反。五月,清軍渡過長江,弘光帝逃走,畀想投降嘅明軍捉住,送咗去清軍度。閏六月,朱聿鍵喺福州登基做皇帝。弘光帝畀清軍押返北京,喺1646年被處死。