張偉文
張偉文（英文：Donald Cheung Wai Man，1952年12月21號—[1][2]）係香港男歌手，喺香港出世。佢近年除咗重新推出唱片以後，重搞咗好多場演唱會，專門演唱所有香港舊時嘅經典流行曲。
| 張偉文 Donald Cheung Wai Man | |
|---|---|
| 男歌手 | |
| 原名 | 張偉文 |
| 羅馬拼音 | Cheung Wai Man |
| 英文名 | Donald Cheung |
| 國籍 |  中國（香港） |
| 永久居留權 | 中國（香港） |
| 民族 | 漢族 |
| 籍貫 | 廣東省 |
| 出世 | 1952年12月21號[1].svg){kind=small} 英屬香港 |
| 屋企 | 香港 |
| 職業 | 流行曲男歌手 |
| 仔女 | 一子 |
| 出道地 | 英屬香港 |
| 出道日期 | 1970年代 |
| 代表作品 | 《大內群英續集》 |
| 活躍年代 | 1970年代到依家 |
| 網路電影資料庫（IMDb）資訊 | |
佢聲線係以渾厚磁性同埋溫柔深邃出名。喺1978年，佢喺無線業餘歌唱大賽入面以一首《離別的叮嚀》勇奪冠軍，半年後同永恆唱片簽成合約，正式踏上星途。喺 78 至到 82 年間，佢總共推出咗 6 張個人大碟，成績唔錯，銷量最高嘅一張曾經賣過三十萬張（不計海外市場），榮獲十大金曲獎，佢亦都得到『工廠妹王子』嘅稱號。
1985年，佢放棄台前演出轉咗去幕後發展，開始咗18年嘅和音生涯，曾經擔任歌手汪明荃、張國榮、許冠傑、譚詠麟、林子祥等嘅和音，有『和音界天王』嘅稱號。多年嚟佢知名不衰嘅金曲，譬如《離別的叮嚀》（安平追想曲/離別再叮嚀）、《我是痴情無限》、《再會了，野茉莉》、《故鄉的雨》、《大內群英續集》等等都喺香江廣泛流傳，因為佢把聲溫柔迷人，真係好難有人可以勁過佢，所以又俾傳媒加以『靚聲王』呢個美譽。
2003年，佢推出咗《唱好女人》個人專輯，銷量達到白金，趁住個勢喺香港伊利沙伯體育館舉行咗四場 "唱好女人演唱會"，場場爆滿。第二年再舉行咗"04 好聽演唱會"，事業達到高峰，趁住勢頭大好舉行咗2005年嘅 "唱好自己演唱會"。呢幾場演唱會都掀起熱潮，可以話每次都冇位淨，兼且佢推出嘅唱片幾乎全部大賣，搞到佢呢位『靚聲王』喺退居和音之位沉寂咁多年之後，超快用復出之實力派歌手嘅身份紅翻晒，攞到大量中年人士同經典金曲歌迷嘅熱烈支持。佢專屬嘅張偉文歌迷會亦喺2005年正式成立埋添。
喺2007年，重第一次用個人演唱會踏足香港體育館舉行演唱會，但佢喺新城電台表示希望係27歲踏足。
佢曾經接受過兩次腰椎手術，近年以輪椅代步兼長居深圳[3]。
參考資料
編輯- ↑ 1.0 1.1 〈專訪丨張偉文連跌十次記憶變差 看透生老病死：只要死得唔辛苦〉。《香港蘋果日報》。2021-02-19。原著喺2021-06-21歸檔。喺2021-05-19搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈開腦手術後失憶 張偉文留醫被綁：當我黐線〉。《東網》。2019-07-30。喺2021-01-17搵到。
- ↑ 〈【張偉文專訪】電動輪椅翻車引致腦積血 張偉文難敵友情長留香港〉。《明周娛樂》 (美國英文)。2019-09-13。原著喺2019-12-28歸檔。喺2019-12-28搵到。
出面網頁
編輯- 張偉文喺環星娛樂官方網站上面嘅簡介
- 張偉文喺互聯網電影資料庫嘅資料（英文）
- 張偉文喺香港影庫嘅資料（香港繁體）