張建宗大紫荊勳賢GBSJP粵拼zoeng1 gin3 zung1Matthew Cheung1950年11月20號—)係香港政府前官員同公務員,效力近50年[1][2],曾經擔任勞工及福利局局長10年同政務司司長4年幾。

張建宗
Matthew Cheung Kin-chung.JPG
出生地香港 喺Wikidata改呢個
國籍中華人民共和國 喺Wikidata改呢個
母校
職業太平紳士政治人 喺Wikidata改呢個

簡歷

張建宗祖籍廣東惠州[3],喺1972年7月加入政府新聞主任職系,1979年9月轉職政務職系。佢喺多個政府部門做過嘢,包括前財政科、前民政署、前政務總署、前總督府、前工業署、前貿易署、前財政司辦公室、司法機構同埋中央政策組

張建宗做過嘅重要職位包括:

  • 副教育統籌司(香港主權移交後改稱教育統籌局副局長):1996年3月至1999年1月
  • 勞工處處長:1999年1月至2000年6月
  • 教育署署長:2000年6月至2002年6月
  • 經濟發展及勞工局常任秘書長(勞工)(後兼任勞工處處長):2002年7月至2007年3月

張建宗喺2007年3月到咗退休年齡,工會中人希望佢留任發展及勞工局常任秘書長(勞工),而香港工會聯合會立法會議員陳婉嫻更喺答問大會質詢曾蔭權,希望令張建宗留任,不過張建宗都係如期退休。但喺2007年6月,佢就出現喺候任勞工及福利局局長名單入面。

喺張建宗做咗勞工及福利局局長差唔多十年之後,2017年1月16號獲時任行政長官梁振英任命做政務司司長,接替辭職參選行政長官嘅林鄭月娥[4]。張建宗發表就任聲明[5]。林鄭月娥當選後,張建宗繼續留任林鄭月娥政府嘅政務司司長。

2021年6月23號,國務院根據行政長官林鄭月娥嘅提名同建議免去司長職務[6][7],同月25號公佈同生效,由保安局原局長李家超接任。張建宗發表離任聲明[1]

個人榮譽

爭議言論

  • 2019年10月17號,張建宗回應七二一元朗襲擊指大家要向前走,希望唔好再糾纏喺721事件,盡早回復平靜,隨即受到警隊批評。有部份差人發表聯署話張建宗唔代表佢。[11]
  • 2020年7月尾,當政府勒令全港食肆禁止堂食7日,畀記者問到禁堂食後,戶外工作人士點樣食時,佢以「如果你有寫字樓嘅,寫字樓食吖,依家好多同事都係買飯盒返寫字樓食飯;你話郊野公園得唔得呢?嗰啲我哋無限制佢。」同時亦呼籲市民避免造成環境污染民主黨胡志偉響應呼籲,到飛鵝山用膳。佢批評張建宗嘅建議離地。另外,亦有市民認為政府無考慮到戶外工作人士嘅感受。

參考

  1. 1.0 1.1 "政務司司長離任" (中文). 香港特別行政區政府新聞公報. 2021年6月25號.
  2. 卡洛兒 (2021-06-26). "張建宗為官50載被免職 網民回味打工金句:每朝上班打呔我就興奮". 香港01 (中文). 喺2021-06-26搵到.
  3. "隔牆有耳: 娥班子最多架己冷 - 李八方". Apple Daily 蘋果日報. 喺2020-04-27搵到.
  4. "政府主要官員任命公布(附圖)" (中文). 香港特別行政區政府新聞公報. 2017年1月16號.
  5. "政務司司長就任命發表聲明(附圖)" (中文). 香港特別行政區政府新聞公報. 2017年1月16號.
  6. "国务院任免香港特别行政区政府主要官员" (中文). 中華人民共和國國務院. 2021年6月25號.
  7. "政府公布主要官員任免" (中文). 香港特別行政區政府新聞公報. 2021年6月25號.
  8. "各公務委員會及其他名表 : 太平紳士" (中文). 原著喺2001年2月9號歸檔. 喺2020年8月14號搵到.
  9. "二○○七年授勳名單" (新聞稿) (中文). 香港政府新聞公報. 2007年7月1號.
  10. "二○一七年授勳名單 附件:二○一七年獲授勳銜及嘉獎人士的嘉許語" (PDF) (新聞稿) (中文). 香港政府新聞公報. 2017年6月30號. p. 1.
  11. 自由時報電子報 (2019-07-28). "反送中》政務司為元朗事件道歉 港警竟嗆:憑什麼代表我們 - 國際". 自由時報電子報 (中文). 喺2021-06-29搵到.