江戶幕府

江戶幕府，又叫德川幕府（えどばくふ、Tokugawa Shogunate / Tokugawa Bakufu），係日本歷史裏面最後一個幕府，喺江戶城（今東京）所以有呢個名。由德川家康 1603年受封征夷大將軍開始，直到1868年明治天皇期間，到將軍德川慶喜大政奉還為止。

喺江戶幕府時期，將軍實際係權力最大嘅人。幕府行封建制，為防諸侯造反，將軍用「朝覲交替」制度，命令諸侯經常回京覲見，除咗令佢哋嘥好多錢喺旅費之上，亦令到佢哋無時間組織叛變。

俸祿有成一萬石以上嘅武士叫做「大名」，相當於中國古代嘅諸侯，大名嘅種類可分三種：

親藩大名：
德川一族嘅親藩大名，用嚟保護京城安全，家康嘅九男、十男、十一男合稱御三家：尾張家、紀州家、水戶家；只要係軍事要地、政治重心和經濟富饒地區，皆安置親藩大名。
譜代大名：
豐臣秀吉死前投降嗰啲，德川封為譜代大名，喺社會上有一定嘅地位，好似本多正信、大久保忠鄰。德川家康設計幕府統治必須完全由親藩同譜代大名操控，外樣大名不得參與。
外樣大名：
豐臣秀吉死後，關原之戰結束之後臣服嘅，德川封為外樣大名，好似伊達政宗、藤堂高虎；呢啲大名離京畿最遠，最靠近外海，如果呢啲大名要叛變必先經過自己親屬以及家臣嘅領地。

社會階級

江戶幕府係封建社會，社會地位由高至低如下：

將軍
諸侯/大名（即係地主）
武士
農民
商人

經濟貿易

德川家康時，積極同安南、呂宋呢啲地方貿易，同中國、葡萄牙商人競爭，佢確立揸住朱印狀者先准做貿易嘅朱印船制度，據說豐臣秀吉時代就有朱印狀，德川時代加以延續，狀上會附上詳細嘅航行目的地，以及幕府批准嘅準確日期，右上角歙咗將軍嘅紅色官印。日本西南嘅外樣大名同有勢力嘅生意人就喺德川家光下令鎖國之前，航行揸住朱印船來往東南亞、臺灣、馬尼拉之間。江戶幕府鎖國政策以後，限制朱印船嘅海外貿易，1635年喺尋求國家安全嘅前提之下，停晒朱印船航行，廢埋朱印狀制度。

衰落

幕府嘅衰落，除咗因為放棄鎖國政策，畀外國商船來日本經商，影響社會階級秩序^{[未記出處或冇根據]}同幕府權威，亦因為某啲諸侯日漸坐大，甚至之後將軍佢哋因為繼承人爭執，畀人哋諗著愛幕府倒落，成日打仗，私下同外國訂條約，幕府名存實亡。