愛高集團有限公司（英文：Alco Holdings Limited，港交所：00328）係香港一間視聽同資訊科技產品製造商，1968年由梁劍文創辦，初頭嗌「愛高電業有限公司」，生產原子粒收音機。1992年喺香港聯合交易所招股上市。前董事會主席、行政總裁兼執行董事梁偉成（Wilson Leung Wai Sing，—2021年12月28號）[1]係第二代接班人。
公司總部喺香港新界沙田安耀街2號新都廣場11樓，喺廣東東莞厚街、長安等地區設有超過250萬平方呎嘅全自動化生產廠房。
