憲章

  呢篇文章講嘅係政治文件。想搵中國神話嘅生物，請睇「狴犴」。

憲章 (英文：Charter) 係一份政治文件，表示作者正式容許受益人去用某啲權利，例如成立某一個城市、組織、或者項目等等。喺歷史上，寫憲章嘅人仍然對文件嘅對象有一定嘅主權，所以仍然有權力上嘅高低。雖然今時今日嘅憲章好少仲會有呢個含義，但係有時嘅用法難免仍然會留住呢個意思。

《大憲章》係其中最傳統嘅一份憲章之一

唔同種類

政治

• 盎格魯-撒遜憲章 (英文：Anglo-Saxon Charter)：
  • 喺中世紀年代，盎格魯-撒遜人會將一個人或者教會分出嚟嘅地，寫入一份憲章度
• 皇家憲章：
  • 喺中世紀期間，皇室一般都係用頒佈一份憲章嘅方法，嚟做某啲決定，包括宣佈法例、建立大學或者城市、同埋成立公司等等
• 市政府憲章：
  • 喺古時代，當一個國、省、或者州嘅政府，容許市政府自治嘅時候，就會頒佈一份市政府憲章
• 大學憲章：
  • 一間大學一般都係由一份憲章而成立，而佢嘅特徵就因地方同時間而異
• 國會憲章：
  • 美國國會喺由1791到1992年期間，會通過憲章嚟指定某一個組織嘅目標同主要活動
• 革命憲章：
  • 喺唔少嘅革命期間，負責組織嘅人都會發佈一份憲章，嚟表明佢哋嘅目標、組織架構、同埋唔同成員嘅角色同責任

商業

• 項目憲章：
  • 喺項目管理入面，一個項目嘅負責人有可能會提供一份憲章，嚟證實批准一個項目嘅存喺，同時會講名呢個項目嘅目標、成員嘅責任同角色、同埋主要嘅負責人
• 公司憲章：
  • 可以諗成係一間公司嘅憲法，呢份憲章一般都會講名呢間公司嘅目標、董事會嘅職責、同埋股東嘅控制範圍

睇埋

• 《大憲章》
• 《聯合國憲章》