懲罰Mee
懲罰Mee，簡稱Mee，又叫Mee懲罰師，係香港舊時一個消費優惠平台，喺2021年5月推出，參與嘅商戶都係黃色經濟圈嘅成員。用戶可以透過Mee嘅流動應用程式，搵到參與嘅商戶，同享用商戶提供嘅優惠。Mee個名啟發自牛奶公司嘅yuu，而佢嘅長遠目標係希望打破yuu同OpenRice嘅壟斷[1]。
2023年7月5號，香港警務處國家安全處先後拘捕咗5名前香港眾志成員，話佢哋涉嫌干犯《港區國安法》下嘅「串謀勾結外國或者境外勢力危害國家安全」罪。警方又話佢哋透過營運「懲罰Mee」，賺錢支持流亡海外嘅香港眾志創黨主席羅冠聰從事危害國家安全嘅活動。7月7號，懲罰Mee個流動應用程式已經用唔到，Google Play同App Store都已經搵唔到，而Facebook同Instagram專頁亦入唔到[2]。