yuu

yuu係怡和旗下嘅牛奶公司喺香港同澳門推出嘅消費獎賞計劃，喺2020年7月推出^[1]。用戶喺集團旗下商戶每消費1蚊港紙，就會賺到最少1分。呢個計劃又同恒生銀行合作，用佢旗下嘅「enjoy信用卡」畀錢有更多分。

適用商戶編輯

yuu正式推出前，網上流傳系統主伺服器存放喺中國大陸，不過牛奶公司否認，又話客戶賬戶資料同交易記錄存放喺香港嘅數據中心，而客戶聯絡資料就存放喺德國嘅數據中心^[2]。
yuu正式推出嗰陣，牛奶公司搵咗歌手林子祥同佢個仔林德信唱廣告歌，由1980年代流行歌《Uptown Girl》改編（1984年曾經由林子祥改編成廣東話版本嘅《我愛你》），喺集團旗下商戶係噉播^[3]。
2023年3月，有騙徒發送yuu積分到期嘅釣魚SMS去呃人信用卡資料，yuu為保障客戶帳號安全，強制所有帳號登出同埋要求重設密碼。