我哋而家唔知，將來都唔會知
我哋而家唔知，將來都唔會知（拉丁文：Ignoramus et ignorabimus）係一句喺科學史上好出名嘅拉丁文句子，主張一個簡單嘅諗法：
| 「 | 」 |
呢句嘢係由德國生理學家埃米爾·杜布瓦-里蒙（Emil du Bois-Reymond）喺討論科學嘅局限嗰陣提出嘅，道出咗杜布瓦-里蒙嘅觀點：喺 19 世紀至廿世紀初有唔少科學家都認為，人類（最少理論上）有可能靠住科學方法知道嗮宇宙入面嘅一切知識，但杜布瓦-里蒙嘅觀點就主張，宇宙入面有最少一部份嘅嘢係本質上就不可知嘅，就算人類有無限嘅資源同時間，都冇可能憑住科學方法得到呢啲知識[1]。
囂拔嘅見解
編輯睇埋：哥德唔完備定理
杜布瓦-里蒙嘅見解受到唔少科學工作者嘅批評，覺得佢嘅諗法悲觀得滯，例如著名德國數學家打域囂拔（David Hilbert）就話抱持好似杜布瓦-里蒙噉嘅諗法會局限一個人嘅思考[2]。
打後喺 1930 年代，哥德唔完備定理（Gödel's incompleteness theorems）證明咗，就算一套數學系統整到幾咁完善，都實會有一啲陳述係嗰個系統證明唔到（冇方法知道嗰啲陳述係咪真確）嘅，可以話係支撐咗杜布瓦-里蒙嘅睇法。