戰場上
《戰場上》（英文：Planet Under Fire），係香港無綫電視嘅紀錄片節目，由黎芷珊主持，去到當今兩個打緊仗嘅地方：烏克蘭同以色列，展示嗰度嘅情況。節目原定由2024年11月4號到11月15號逢禮拜一到五22:30－23:05喺翡翠台播出，最終喺播咗兩集就被腰斬。
呢個節目本身係無綫電視57周年台慶「8大台慶綜藝節目」之一[1]，亦係2025年節目巡禮入面其中一套「重點推介綜藝節目」[2]。
爭議停播事件
編輯《戰場上》播咗頭兩集之後，有網友紛紛响親政府陣營嘅Facebook群組Save HK出Po留言，投訴呢個節目嘅立場係幫住烏克蘭，冇訪問俄羅斯，散播烏克蘭係戰爭受害者，引起強烈不滿、洗版式圍插，重有網民走去黎芷珊嘅社交平台留低負評，有200個留言一致批評：「垃圾節目」[3]，強烈要求腰斬，同埋去通訊事務管理局投訴。
但亦有觀眾表示此節目嘅主題在香港實屬難得；深入戰亂地區之舉，非常值得敬佩；亦有網民喺爭議中出現後為黎芷珊支持打氣。
結果無綫電視先係喺11月6號起一連三日改播特備節目《特朗普重掌白宮》，再由11月11號起一連五日改播《一條麻甩在汕頭》（第1-5集），亦即係代表《戰場上》播到第二集之後正式腰斬[4]，而myTV Super網上重溫同官方社交媒體所有宣傳材料亦喺11月6號被全數落架。
《戰場上》喺繼《輪流轉》同埋《爆足一周》之後再有無綫自製節目被腰斬停播。
「Save HK」創辦人、新民黨立法會議員何敬康回覆此事時，表示他唔會干預網民言論，又唔猜測此節目落架嘅原因。截止至11月8號，通訊事務管理局接獲有關此節目嘅投訴約570宗，投訴理由主要為節目立場偏頗、內容失實、散播同埋加深對個別國家嘅仇恨、誤導觀眾。
睇埋
編輯- 《走過烽火大地》（2012年無綫電視嘅同類節目，都係同一位監製蘇敏儀嘅作品）
- 香港網絡審查#平台自我審查事件
參考
編輯- ↑ TVB台慶57周年丨黎芷珊深入烏克蘭以色列巴勒斯坦探索戰火下的人間有情 余文樂相隔七年復出幕前成焦點
- ↑ TVB節目巡禮2025丨黎耀祥麥長青《江湖見》走進武俠小說江湖世界 阿姐新節目招募膽大心細藝人做地膽
- ↑ 〈網民怒數黎芷珊新節目《戰場上》3宗罪！逾200留言鬧「垃圾節目」偏頗烏克蘭〉。《橙新聞》 (中文)。2024-11-07。喺2024-11-07搵到。
- ↑ 〈黎芷珊新節目被質疑政治立場 遭組隊投訴恐緊急腰斬〉。《東網》 (中文)。2024-11-07。喺2024-11-07搵到。