戰術射擊遊戲

戰術射擊遊戲（英文：tactical shooter）模擬真實嘅戰鬥。喺呢啲遊戲當中，玩家需要戰術同謹慎－例如一般嘅射擊遊戲入面，一個玩家就算受咗傷，佢都可以靠掂一個藥包嚟回復生命值，但戰術射擊遊戲模擬真實嘅射擊，所以喺呢啲遊戲入面，要回復一個受咗傷嘅角色，往往要用相當多嘅精力（似真實嘅戰鬥），而且同現實嘅戰鬥一樣，好多時俾人打中一兩槍經已冇命。因為呢啲遊戲嘅戰略性，遊戲嘅節奏往往會比較慢。戰術射擊遊戲例子有使命召喚系列同幽靈行動系列（Tom Clancy's Ghost Recon）^[1]。