熱帶氣旋
呢篇文 需要補充更多來源。 |
熱帶氣旋（tropical cyclone）係一種低氣壓天氣系統，喺熱帶或亞熱帶海域（例如太平洋，北大西洋，印度洋）形成，佢嘅能量嚟自水蒸氣冷卻凝固嗰陣放出嘅潛熱。移動就主要係受到科氏力同其他大尺度天氣系統嘅影響，最終會喺海上消散、轉化做溫帶氣旋或者登陸後喺陸上消散。登陸嘅熱帶氣旋可以造成嚴重嘅財產或者人命傷亡，係由天氣引發嘅天災之一。不過熱帶氣旋亦係大氣循環其中一個組成部分，將熱能由赤道地區帶去高緯度。
名
編輯熱帶海洋上高產生嘅氣旋統稱「熱帶氣旋」，但喺唔同嘅海洋有唔同嘅叫法，例如北太平洋西部嘅叫做「颱風」（英文：typhoon），北大西洋嘅叫「颶風」（英文：hurricane），印度洋嘅叫「氣旋風暴」（英文：cyclone）。[1]菲律賓人叫佢做「baguio」，澳洲土著叫法係「willy-willy」。[2]
據香港天文台總學術主任呂永康所寫，古代漢文文獻顯示，古時冇明確區分「颱風」同「颶風」，好難準確斷定東亞氣象史上幾時開始用「颱風」呢個詞。到明代為止，文獻都係寫「颶風」，冇寫「颱風」嘅。清代開始有文獻以「颶風」來描述春季出現嘅短暫狂風，並以「颱風」來形容夏季較為持續嘅強風。[1]
喺香港，歷史文獻顯示，「颱風」同「颶風」試過係通用嘅。例如1950年天文台出版嘅《本地風暴訊號資料冊》就寫住當時十號風球個名叫做「颶風或颱風訊號」（表示風力將達到颶風或颱風程度，風速每個鐘64海里（118公里）或以上）。自1960代中期至1970年代開始，天文台統一用「颱風」作為熱帶氣旋強度嘅分類，而「颶風」就 kaai3 來描述某一地點所感受嘅風力。[1]
分類
編輯香港天文台將熱帶氣旋分成6種。[3]
| 熱帶氣旋類別 | 接近風暴中心之10分鐘最高平均風力 |
|---|---|
| 熱帶低氣壓 | 每個鐘41至62公里 |
| 熱帶風暴 | 每個鐘63至87公里 |
| 強烈熱帶風暴 | 每個鐘88至117公里 |
| 颱風 | 每個鐘118至149公里 |
| 強颱風[註 1] | 每個鐘150至184公里 |
| 超強颱風[註 1] | 每個鐘185公里或以上 |
防災
編輯會打風嘅地方通常都有一系列措施應對熱帶氣旋吹襲。喺香港，當八號或以上嘅警告信號發出嗰陣，多數人就唔使返工、返學。[4]喺澳門，8號風球發出個話，學校停課。[5]呢D額外嘅唔使做嘅日期，俗稱「風假」。[6]
註
編輯參考
編輯- ↑ 1.0 1.1 1.2 〈「颱風」與「颶風」〉。www.hko.gov.hk (tc)。喺2023-11-06搵到。
{{cite web}}: CS1 maint: unrecognized language (link) - ↑ 交通部中央氣象署 (2023-09-28)。〈知識與天文 - 中央氣象署全球資訊網〉。《交通部中央氣象署》。喺2023-11-06搵到。
- ↑ 〈熱帶氣旋的分類〉。www.hko.gov.hk (tc)。喺2023-11-06搵到。
{{cite web}}: CS1 maint: unrecognized language (link) - ↑ 〈風球的疑惑〉。www.hko.gov.hk (tc)。喺2023-11-06搵到。
{{cite web}}: CS1 maint: unrecognized language (link) - ↑ 〈學校在熱帶氣旋、暴雨及特殊天氣情況下所採取的措施（圖文包） | 教育及青年發展局〉。portal.dsedj.gov.mo (中文)。喺2023-11-06搵到。
- ↑ 〈颱風小犬丨WFH下無「風假」 打風應否在家工作？〉。Yahoo News (中文)。2023-10-08。喺2023-11-06搵到。
