指南針留學移民
指南針留學移民（Compass Education and Migration）係一間以協助華人（中國為主）去澳洲、加拿大、美國、英國同紐西蘭留學移民嘅公司，喺2002年成立。
隨著越來越多中國人希望喺澳洲定居，佢哋有時亦會接受澳洲中文媒體嘅訪問，就移民申請同中國學生去澳洲留學嘅問題（特別係武漢肺炎疫情期間）發表意見[1][2][3][4]。另外，佢亦有同今日傳媒集團旗下嘅媒體合作，不定時發佈同中國人申請留學移民有關嘅資訊[5]。
爭議事件
編輯反對澳洲政府支持港人「避風港」政策
編輯喺2020年6月，北京未經諮詢或香港人同意，強行喺香港實施《港區國安法》，引起國際關注。而澳洲亦提供咗人道支援，推出「避風港」政策，對香港人申請部分澳洲永久居民簽證條件予以放寬。政策受到唔少香港人歡迎，但一啲中國網民就指控澳洲政府歧視，話咁做對佢哋唔公平，指南針留學移民亦發起聯署，指控澳洲政府，聲稱代表所有189簽證申請人，要求一視同仁。不過，呢個聯署唔係咁多人響應[6][7]。
之後，澳洲政府就澄清，呢次並唔涉及國籍歧視，因為要解決社會同國際對香港「國安法」嘅擔憂，而政策係必需、合理同埋相稱[6]。
睇埋
編輯參考
編輯- ↑ 〈疫情"扼殺"澳洲移民之路？烏雲背後仍有一抹亮光〉。SBS Your Language (繁體中文)。喺2021-11-03搵到。
- ↑ 〈中國教育部門約談留學機構："不要推薦"學生來澳洲〉。SBS Your Language (繁體中文)。喺2021-11-03搵到。
- ↑ 〈不想走與留不下：疫情後移民澳洲會更難嗎？〉。SBS Your Language (繁體中文)。喺2021-11-03搵到。
- ↑ 〈澳推出临时父母担保签证 最长可在澳住10年〉。www.abc.net.au (中文)。2019-03-14。喺2021-11-03搵到。
- ↑ 〈澳洲移民将变天！优秀学生有利好，工签或2年变3年，职业列表改革！雇主担保全面利好！ | 今日悉尼〉。www.sydneytoday.com。喺2021-11-03搵到。
- ↑ 6.0 6.1 〈網民中文留言質疑優待港人「赤裸裸歧視」 澳洲移民部長否認〉。SBS Your Language (繁體中文)。喺2021-11-03搵到。
- ↑ "Sign the Petition". Change.org (美國英文). 喺2021-11-03搵到.
