蹺蹺板
(由搖搖板跳轉過嚟)
蹺蹺板，又叫翹翹板或搖搖板，遊樂場設施一種，畀人玩。用某啲嘢做支點，撐起好長好窄嘅板。一頭升時，另一頭降。呢種運用咗槓桿原理，並且係兒童遊樂場嘅典型遊戲。
遊樂場中，蹺蹺板通常放喺正中，兩邊各坐一人，然後輪流用腳踩地，令自己嗰邊升上去。蹺蹺板通常會有扶手畀玩者捉實，以免跌落地受傷。
玩蹺蹺板至好二人差唔多重。不然重嗰邊無情玩得太大力，輕個邊會成個人彈起受傷。大人同細蚊仔，要就住道力。安全起見，有啲遊樂場下面會有軟膠鋪地。
狗狗靈敏賽裏面，蹺蹺板通常會設成唔平衡。參賽狗喺佢上面行過嗰時，成日會以同一方降落地面。
蹺蹺板除咗可以畀細路玩之外，亦可以作為喺特技表演嘅工具，馬戲班用來彈起成個人。而日常生活裏面，就可以作為機械工具，呢個係因為蹺蹺板用咗槓桿原理。