摩星嶺 (廣州)

摩星嶺（粵拼：mo1 sing1 leng5）係中國廣東省廣州市白雲山最高峰，海拔382米。山頂平而山坡斜，附近重有幾嚿石頭。呢座山係白雲山嘅卅幾座山入面最高嘅一座。喺棲霞嶺上去，可以到摩星嶺嘅門樓。

名

摩星嶺曾經叫「碧雲峯」。初時叫「第一山」。宋朝轉運使陶定響處題「天南第一峯」。清朝《番禺縣志》嘅白雲山圖叫呢座山做「摩星嶺」。

而家摩星嶺係白雲山風景區嘅其中一個二級旅遊景區。佢同大門個門飛唔互通，上去嘅話要買票，一律收CNY￥5。山頂有樖許愿樹同兩座亭（祈福亭同摘斗亭），其中祈福亭個鐘唔使錢都撞得。

摩星嶺山頂嘅入口

摩星嶺山頂寫住「摩星嶺」、「海拔382米」嘅石刻

摩星嶺本身就有座中國移動嘅信號發射塔，中間重有畀人留低畫嘢嘅，附近重有座MINI嘅風力發電裝置，同時重有棟雕塑指去北京重寫埋「1900km」同「海拔382m」嘅字。喺摩星嶺嘅最高地方重可以睇嗮成個廣州市區嘅嘢。

摩星嶺嘅主要景區有：吉星石、許願樹、祈福鐘、許願龜、九龍泉、九龍壁。