收據
收據（粵讀：sau¹ geoi³）係人客畀咗錢買嘢憑據，係單嘅一種。收據分機印單同手寫單兩種。機印單通常由電腦記錄交易，而手寫單通常會有過底紙，作為會計入賬根據。嚮實施消費稅或者增值稅嘅國，收據就係用嚟管納稅。
收據重可以管出納唔好穿櫃桶底。收銀員問顧客要唔要收條，唔要收條即係冇收錢記錄，內部審計都唔知鋪頭有冇收過錢，收銀收埋入自己袋都有可能。
客人要收據係因為要攞返公司報銷，或者售後服務保用証登記根據。收條可以証明交易真有其事，相反就即係「行使假文件」。
收據單上面一定有個發單人全名、印章或者簽名、收咗幾多錢、為乜畀錢、畀錢日期，同埋收條流水編號。而有啲零售用嘅收條係冇客人個名，因為涉及私隱權。