放狗

放狗係帶屋企隻狗出街、做運動、一般都畀埋佢大小二便。放狗可以係為興趣（pastime）、責任或者係一份工。一般係由屋企出發，最後返屋企。放狗嘅人一般係同隻狗一齊住（即係狗主），亦可以係職業放狗師。

出街嘅狗大部份會戴上頸圈或 choke chain 用狗繩拖住嚟行。有啲人用狗箍（harness）。各個地方嘅法律唔同，狗一定要用狗繩拖實，大狗甚至要帶口罩。

問題

對於愛犬人士，放狗係一件開心事，可以放開同隻狗玩吓；不過只係幫女友替人放狗嘅就唔多好受，隻狗周街屙屎屙尿，又要做阿四落手落腳搞清潔，唔理又會畀差人告垃圾蟲。

好多地方係唔准放狗嘅，尤其係私家路「嚴禁放狗」，因為有啲放狗人士同隻狗會整污糟啲地方。

職業放狗

職業放狗師就係收錢幫人放狗嘅人。喺一啲地方，放狗師要攞牌同埋要識得動物急救。

喺落閘放狗嘅意思，放狗嘅意思係放開狗鍊，畀佢哋守衛間屋嘅範圍，同放狗咬人一樣意思。