教會關懷貧窮網絡
教會關懷貧窮網絡（英文：Hong Kong Church Network for the Poor，縮寫HKCNP）係香港一個基督教社會服務慈善機構，建立一個全港性嘅扶貧同資訊網絡，目的係匯聚社會每個界別，包括基督教嘅堂會同宗派、前線機構、學校、企業等，服侍關懷香港嘅貧困人士或家庭。
背景
編輯喺2000年代，香港面對逐漸惡化嘅失業情況，自殺同家庭暴力數量增加，社會悲觀情緒蔓延，因此喺2002年4月創立「教會關注失業行動」向教會同社會人士籌募經費，創造超逾一千個創業同就業嘅職位，並成立教會關注失業行動支援熱線，為失業人士提供情緒支援同擇業輔導。同時亦支持多間基督教機構，展開唔同形式嘅失業支援計劃，以幫助每區低下階層嘅失業人士搵工。
到咗2005年初，香港嘅失業情況開始有改善，但係貧富懸殊嘅差距就愈嚟愈嚴重，為咗推動教會關注貧窮問題，2005年1月舉行一個關注香港社會問題同貧窮家庭嘅教牧同工研討會同記者招待會，呼籲教會作出「跨代脫貧」教會關懷行動，開放教會場地畀貧窮家庭嘅兒童，為兒童提供免費功課輔導、免費社交活動、夥伴同行計劃等，都得到社會各界嘅大力支持響應。2006年4月「教會關注失業行動」正式定名做「教會關懷貧窮網絡」[1]。
使命
編輯透過香港每間堂會、前線福音機構、每個界別嘅信徒成為網絡，建立伙伴關係，成為一個平台：為貧窮人士進行倡議同教育活動；並以禱告同經濟支援前線嘅機構、堂會、基督徒群體扶貧、脫貧同牧養貧困人士嘅行動。集合各界嘅經驗、專業知識同資源，以兼具知識、關懷、值得信賴嘅服務模式，促進同支持有心志服務貧困人士嘅教會、基督教機構、學校、企業、政府部門之間嘅合作，令到佢哋形成社區網絡，接觸更多有需要嘅群體，更有效履行職責同使命，共同改善貧困人士嘅身心靈全人福祉，並以消減香港跨代貧窮問題為長遠目標。
愛心行動
編輯連結教會同前線機構或企業合作，提供食物、物資、服務支援等，共同合作服侍每個地區嘅基層人士，並令到佢哋能夠以呢啲服務做起點，長遠以服務、照顧或探訪等方式關懷同服侍貧窮家庭。
出面網頁
編輯
參考
編輯- ↑ 〈延續基督教 關懷貧窮的力量〉。原著喺2021年6月5號歸檔。喺2021年6月5號搵到。