數量 (文法)

文法上講嘅數量（粵音：sou3 loeng6）係一種可以引致詞形變化嘅文法範疇，主要分為單數同眾數兩種，亦都有所謂雙數（dual），但係後者呢種情況好少見。數量通常適用於名詞（包括代名詞），但係喺一啲話可以同時適用於其他嘅嘢。

概論

睇埋：詞形變化同文法範疇

用英文做例子，喺英文入面，數量主要係名詞先有，一個名詞喺數量上有「單數」同「眾數」兩個可能；喺英文裏面，如果一個名詞要由單數變成眾數，通常要加後綴（但係有其他可能），而後綴通常係 ｢s｣，例如 ｢cat｣ 係指一隻貓，而 ｢cats｣ 就係指多過一隻貓。某啲語言對文法數量仲會有更加複雜嘅變化，唔淨只分單數眾數咁簡單。

喺法文，數量除咗名詞有之外，冠詞同形容詞都有，例如 ｢le chat blanc｣ 係 ｢嗰隻白貓｣，｢les chats blancs｣ 就係 ｢嗰啲白貓｣，除咗名詞 ｢chat｣ 要加 ｢s｣ 之外，連串lang3住嘅形容詞 ｢blanc｣ 都要加 ｢s｣，冠詞亦都轉咗。

喺有格嘅話入面，因為數量改變咗詞形嘅字可以再因為格再改變詞形，例如喺芬蘭文，表示眾數嘅後綴可能係 ｢t｣，但係加 ｢t｣ 淨係適用於主格，其他格嘅眾數統統唔係加 ｢t｣。

睇吓

• 修飾詞