開主選單

文千歲英文Jacky Man Chin-Sui1940年11月8號—),本名黃富華廣東番禺人,香港著名粵劇演員。首本劇目有《胡不歸》、《唐宮恨史》等[1]。門下弟子有游龍同黎耀威。

目錄

生平

文千歲喺廣東番禺茭塘村(而家番禺區石樓鎮茭塘西村)出世,7歲就開始做大戲,跟老豆黃千峰入「前程劇團」。約莫9歲跟北派師傅竇庭志學北派武藝,後尾跟咗何湘子,做龍虎武師,藝名「若游龍」。13歲入「人之初劇團」,藝名「小千歲」,1963年改名叫「文千歲」。跟住喺「黃金粵劇團」做文武生。早期唱陳笑風腔,後來唱腔發展到有個人風格。後來同人拍檔組嘅粵劇團有「千寶」、「龍鳳」、「千群」、「寶人和」、「千鳳鳴」、「千麗」、「豐華」、「高陞」等;亦加入過順德市粵劇團、廣州市粵劇團同肇慶市粵劇團等。 1973年,同麗莎合唱《桃紅柳綠》,攞「金唱片獎」。1976年,同梁少芯組「千歲粵劇團」,後尾改名叫「富榮華粵劇團」,喺美加澳洲東南亞中國大陸演出。之後又成立「千連芯粵劇團」同「千連芯青少年粵劇團」。1980年,同盧秋萍合唱《唐宮恨史》攞「雲雀獎」。1983年攞美國西雅圖政府頒嘅「粵劇藝術家貢獻獎狀」。1991年,喺高山劇場香港文化中心做首屆個人粵曲演唱會;同年,同梁少芯合唱賀年小調攞「金唱片獎」,仲攞埋「瀟灑腔粵曲王」榮譽獎。1998年,攞美國加州政府頒嘅「粵劇藝術家貢獻獎狀」[1]

2001年同梁少芯成立「千歲粵劇研究院」。2006年辦「主恩粵劇戲曲藝人之家」。2008年做福音粵曲音樂會《新歲頌》;同年,同梁少芯合唱嘅《救世主耶穌》攞「白金唱片獎」。2010年,做粵劇《挪亞方舟》編劇。2010年12月,同曾慧喺新光戲院做「文千歲藝術專場」,跟住同尹飛燕做「燕韻鏗鏘賀華誕」專場。2011年2月退休,移民美國。2018年,出自傳《千歲演義》。

劇目

首本劇目

  • 《胡不歸》
  • 《大鬧青竹寺》
  • 《呂布與貂蟬》
  • 《西施》
  • 《唐宮恨史》
  • 《梁祝恨史》
  • 《情淚洒征袍》
  • 《一曲琵琶動漢皇》
  • 《隋宮十載菱花夢》
  • 《唐明皇與楊貴妃》
  • 《蘇東坡夢會朝雲》

開山劇目

  • 《仙凡未了情》(1987年)
  • 《蘇東坡夢會朝雲》(1994年)
  • 《南俠展昭花月情》(1995年)
  • 《楊二舍化緣》(1995年)
  • 《南宋文天祥》(1996年)
  • 《唐宮恨史》(1996年)
  • 《唐皇遊月殿》(1998年)
  • 《李剛三打白狐仙》(2001年)
  • 《桃花扇》(2001年)
  • 《荊釵記》(2003年)
  • 《大唐風雲會》(2007年)
  • 《盛世梨園》(2007年)
  • 《挪亞方舟》(2010年)

影視出演

電視劇

電影

  1. 1.0 1.1 "文千歲". art-mate.net. 

出面網頁