文昌雞

文昌雞係粵地嘅雞種，響海南文昌出產，亦係當地嘅地道菜式，同加積鴨、東山羊、和樂蟹並列「海南四大名菜」。

蒸好嘅原隻文昌雞

傳統上文昌雞會用蒸嘅方式煮熟後斬件，再配用雞油雞湯煮成嘅飯（用飯碗裝或者整成飯糰），同埋用蒜、薑、桔（或者用青檸代替）整成嘅醬汁。

20世紀頭，海南人將整文昌雞嘅工藝帶到南洋，響當地發展出自己嘅煮法，即係海南雞飯。