斑馬線

斑馬線(粵拼：baan1 maa5 sin3) 係畀行人可以直接過馬路嘅設施，因為路面會油上斑紋，睇落有啲似斑馬，所以就叫斑馬線。

澳洲悉尼一條斑馬線

喺香港滙景花園嘅斑馬線

喺廣州街頭啲十字路口近斑馬線位見到嘅「禮讓行人」字樣

香港嘅斑馬線係冇紅綠燈，只係有黃燈提醒司機減速，地面油白色斑紋，同時兩邊有「之」字綫。根據運輸署道路使用者守則，「如果有人喺斑馬綫上，就要停車，畀行人過馬路。」

喺中國大陸，家下大都市街頭一啲斑馬線前都有寫「禮讓行人」四字嚟提醒司機減速或停車，畀行人過馬路。