新世界集團刑事毀壞案

新世界集團刑事毀壞案係香港新世界集團喺2007年畀人大規模刑事毀壞嘅案，主要發生喺嗰年7月4號至5號期間，新世界集團旗下嘅新世界傳動網喺香港嘅18間分店畀人淋紅色或白色漆油，另一方面，新世界集團嘅兩間酒店集團總部——新世界大廈就畀私家車撞爛玻璃門。

經過

2007年7月4號：

• 凌晨，新世界傳動網喺港九新界18間分店，包括中環、灣仔、尖沙咀、旺角、上水、元朗等分別畀人淋紅油或白油。
• 清晨，新世界集團喺尖沙咀萬麗酒店大門畀車撞爛。

7月5號：

• 清晨5點，金鐘香港JW萬豪酒店同集團總部新世界大廈則畀車撞爛玻璃門。
• 清晨6點，一架私家車喺長沙灣興華街西被縱火焚毀，消防認為起火原因有可疑，交由警方接手調查。

7月7號：

• 警方有組織罪案及三合會調查科先後將九名懷疑同事件有關嘅人物拘捕調查。

12月20號：

• 4名涉案男子喺各區裁判法院提堂，當中2名認罪，被判入獄半年同8個月；1名男子唔認罪，獲准保釋候審，另外1名男子潛逃。

2008年3月19號：

• 早前於12月20號唔認罪，獲准保釋的男子嘅東區法院受審，被判入獄1年。控罪指被告在知情下，當2名涉案人士（現正在逃）嘅司機，接送佢哋到犯案現場協助犯罪。被告指當日先至喺街上遇到2人，其間無接納佢哋提出商借車輛嘅要求，而自己只係接載佢哋到目的地，並無接載離開嘅一程。