新資訊
新資訊（FirsTVision）係以前香港新創建集團旗下媒體銷售業務嘅分支機構，係裝設喺新巴巴士嘅流動多媒體資訊系統，後來俾路訊通吞併。
史
編輯新資訊嘅前身係M Channel（前港交所上市編號：8036），喺2001年成立，係東方魅力旗下業務，以抗衡當時成立冇耐嘅路訊通。2003年4月1號，新創建集團接手新巴巴士嘅M Channel業務，並改名為新資訊。
新資訊嘅業務因為只局限喺新巴，鬥唔過路訊通，加上新創建集團收購咗用路訊通嘅城巴，因此新創建亦冇打算再搞新資訊。自2006年1月9號至2007年12月30號，新資訊播放嘅節目幾乎都係由路訊通製作及提供，而根據路訊通2005年度全年業績報告內嘅「業務回顧」一欄中指出，新巴所裝設嘅流動媒體系統已經俾路訊通收購，所以除咗「新資訊」牌子被保留之外，成個系統實際上已經由路訊通全權營運，包括廣告銷售業務等。
2007年12月31號開始，「新資訊」牌子正式被撤銷，而新巴亦喺2008年元旦正式開始將車上嘅新資訊標誌換上路訊通標誌。