方言文學運動 (香港)

香港方言文學運動係一場響香港推動方言文學嘅社會運動，由1947年中國共產黨策動，到1950年解放軍攻入廣州時突然結束。呢場運動對象係唔熟國語或文言文文學低下階層，尤其係農夫同工人，以宣傳共產黨主張。

個運動由廣東方言文藝研究組組織，下面有一班寫手，有客家話、潮州話，但主要都係廣東話。呢個運動有左翼作家支持，出名有茅盾同郭沫若。1948年，茅盾重有寫文討論香港方言文學運動有幾重要。

當時呢個運動作家，主要響兩份新聞紙寫文，一係《正報》，一係《華商報》。兩份報都係共黨組織，由中國大陸送去自由地區。