曆
主要分爲陽曆、陰曆同埋陰陽曆三種。陰曆又叫做太陽曆，佢嘅曆年係一個回歸年，現時國際通用嘅公曆（西曆）就係太陽曆嘅一種；陰曆又叫做月亮曆，或者太陰曆，佢嘅曆月係一個朔望月，曆年係12個朔望月，大月有30日，小月有29日，伊斯蘭曆就係陰曆嘅一種；陰陽曆嘅平均曆年係一個回歸年，歷月係朔望月，因爲12個朔望月同1個回歸年相差太大，所以陰陽曆入面有閏月，令到呢種曆法又可以同月相相符，又同地球圍繞太陽嘅週期運動相符合。中國嘅農曆就係陰陽曆嘅一種。
曆法入面中有其他嘅時間單位：
曆法系統改
一個曆法系統會爲每一日設計一個曆法上面嘅日期，所以星期本身唔算係完整嘅曆法系統。如果一個系統爲一年內嘅每一日命名，但係無講年份嘅方法，咁都唔算係完整嘅曆法系統。
最簡單嘅曆法系統係以某一個參考日或者時間爲準，計算經過咗幾多個時間單位，好似儒略日同埋UNIX時間咁就係呢種系統，如果時間單位唔變嘅話，唯一可能嘅變化就係改參考日或者時間，令到計算嘅時間單位少啲，呢種曆法系統嘅換算只需要加法同減法。
其他嘅曆法系統有一個或者多個大啲嘅時間單位。
有一個大啲嘅時間單位嘅曆法系統：
- 週次同埋每個禮拜嘅第幾日：呢個系統唔常見，佢嘅特點係無年，每隔一個禮拜，週次就會加一。
- 年同埋呢年入面嘅第幾日：例如ISO 8601嘅順序日期表示法。
有二個大啲嘅時間單位嘅曆法系統：
大啲嘅週期都可以同自然現象同步：
- 太陰曆係同月亮嘅運動（月相）同步，例如伊斯蘭曆。
- 太陽曆係依照同太陽運動有關嘅季節變化同步，例如伊朗曆。
- 陰陽曆係合併咗月亮和太陽嘅變化，例如農曆、印度曆或者希伯來曆。
- 亦都有啲曆法系統似乎係同金星嘅運動同步，例如一啲古埃及曆法，同金星出現係赤道上面嘅時間同步。
星期係少數無同自然現象同步嘅時間週期。
通常曆法系統會包括一個以上嘅週期，或者同時有週期內同週期以外嘅日期，就例如法國共和曆嘅一個月有30日，一年有五或者六日唔屬於任何一個月（法國共和曆閏日）。
大部分嘅曆法系統會整合更多複雜嘅時間週期，例如大部分嘅曆法系統都會有年、月、星期、日，但係定義可能唔同。好多曆法系統都有一星期嘅七日，已經用咗超過幾千年。[1]
太陽曆改
太陽曆入面嘅日改
太陽曆會為每一個太陽日定義一個日期，一日會以兩次連續事件（例如日落）之間嘅時間為準，一年之中，兩次連續事件嘅間隔時間可能略有變化，或者會平均為平均太陽日，其他嘅曆法都會用太陽日做時間單位。
曆法改革改
有好多有關曆法改革嘅建議，例如係世界曆、國際固定曆、全新世紀年及漢克亨利萬年曆（Hanke-Henry Permanent Calendar）。類似嘅諗法喺唔同時期都有出現，但係因為無連續性、實施嘅時候要大規模調整，或者宗教反對等等嘅原因，最後都無實現到。
太陰曆改
唔係所有嘅曆法系統都會用太陽年做單位。太陰曆就係用月相變化嚟計算日期嘅曆法。因為回歸年嘅長度並唔係月相週期嘅整數倍，單純嘅太陰曆好快就會同季節對齊唔到。不過同其他自然現象會對齊得好好，例如潮汐。伊斯蘭曆就係太陰曆嘅一種。
Alexander Marshack喺一本好有爭議性嘅書入面[2]認為一個骨棒上面嘅痕跡（c. 25,000 BC）代表太陰曆，而Michael Rappenglueck亦都認為一幅15,000年前嘅洞穴畫入面就有太陰曆[3]。
陰陽曆改
陰陽曆為咗令月份同季節可以對應，會以某一個規則加一個月嘅方式嚟調整，例如希伯來曆就有19年嘅週期，而農曆嘅閏月都有類似嘅規則。
曆法嘅時間單位改
幾乎所有嘅曆法系統都會將整數日整合為月或者係年。喺太陽曆入面，一年接近地球嘅回歸年（亦即係一個完整季節循環所需要嘅時間），一般會用喺農業活動嘅規劃上面。太陰曆就係以月相變化為主，一啲曆法系統仲會有其他嘅時間週期，例如星期。
因為回歸年嘅長度唔係一日嘅整數倍，因此太陽曆有啲年嘅日數會同其他年嘅日數唔一様，例如閏年要加一日（閏日）。陰曆嘅月或者陰陽曆入面一年嘅月份數，都會有類似嘅情形，叫做置閏。大多數太陽曆嘅一年都冇辦法分為長度相同，唔變動嘅十二個月。
有啲文化會定義其他嘅時間單位，例如星期，而中國以前用嘅一干支係60，因此有干支紀年同干支紀日。有啲文化會用唔同嘅年代起算日期，例如日本嘅年份就係以天皇即位為準，並且有對應嘅年號，例如明仁天皇嘅年號係平成，2006年就係平成18年。
其他曆法分類改
計算曆法及天文曆法改
天文曆法（astronomical calendar）係以天文觀測為準嘅曆法，例如使用定氣定朔嘅現代農曆、宗教性嘅伊斯蘭曆及第二聖殿時嘅古猶太曆。呢種曆法好處係完美而且永遠準確，缺點係無公式，若果要回推好耐之前嘅某一日嘅日期會比較困難。
計算曆法（arithmetic calendar）係用嚴格嘅數學公式計算嘅曆法，例如而家嘅猶太曆，亦稱為以規則為準嘅曆法，好處係容易計算特定時間係邊一日，不過同自然變化對應嘅精準性就比較差，即使曆法本身非常精準，亦會因為地球自轉及公轉嘅變化，累積偏差，因此一個計算曆法使用嘅期限有限，可能只有幾千年，之後就要用新嘅曆法系統代替。
完整曆法同唔完整曆法改
曆法都分完整同唔完整。完整曆法會為每一日設定一個日子，而唔完整曆法就唔會。例如古羅馬曆無為冬天嘅日子設計日子，直接跳過，統稱為冬日，就係唔完整曆法嘅一種，大部份嘅曆法都係完整曆法。
用途改
曆法嘅主要用途係識別日期，記錄已經發生過嘅事，告知或者同意未來嘅某一個事件。日期可能有農業上、生活上、宗教上或者社會上嘅重要性。例如曆法可以用嚟決定幾時播種或者收割，邊幾日係法定假日或者宗教假日，日期可以表示會計年度嘅開始同結束。有啲日子有法律上嘅重要性，例如要交稅嘅日子或者合約嘅期限。一日嘅日期亦都可以提供一啲有關嘅資訊，例如季節。
曆法亦都係完整計時系統嘅一部份，有日期同時間就可以精確咁定義某個特定嘅時刻，現代嘅計時器可以顯示日期、時間同星期幾。
中國古代嘅曆法改
| 朝代 | 曆名 | 編者 | 使用年份 |
|---|---|---|---|
| 西漢 | 太初曆/三統曆 | 鄧平 | 前104年-84年 |
| 東漢 | 四分曆 | 編訢 | 85年-205年 |
| 乾象曆 | 劉洪 | 206年-236年 | |
| 曹魏 | 景初曆 | 楊偉 | 237年-442年 |
| 劉宋 | 元嘉曆 | 何承天 | 443年-462年 |
| 大明曆 | 祖沖之 | 463年-520年 | |
| 北魏 | 正光曆 | 李業興 | 521年-539年 |
| 興和曆 | 李業興 | 540年-549年 | |
| 北齊 | 天保曆 | 宋景業 | 550年-565年 |
| 後周 | 天和曆 | 甄鸞 | 556年-578年 |
| 大象曆 | 馮顯 | 579年-583年 | |
| 隋 | 開皇曆 | 張賓 | 584年-607年 |
| 皇極曆 | 劉焯 | 605年-617年 | |
| 大業曆 | 張冑玄 | 608年-618年 | |
| 唐 | 戊寅曆 | 傅仁均 | 619年-665年 |
| 麟德曆 | 李淳風 | 666年-728年 | |
| 大衍曆 | 一行 | 728年-761年 | |
| 五紀曆 | 郭獻之 | 762年-784年 | |
| 貞元曆 | 徐承嗣 | 785年-821年 | |
| 宣明曆 | 徐昂 | 822年-892年 | |
| 崇玄曆 | 邊岡 | 893年-955年 | |
| 五代 | 欽天曆 | 王樸 | 956年-959年 |
| 北宋 | 應天曆 | 王處訥 | 960年-980年 |
| 乾元曆 | 吳昭素 | 981年-1000年 | |
| 儀天曆 | 史序 | 1001年-1023年 | |
| 崇天曆 | 宋行古 | 1024年-1063年 | |
| 明天曆 | 周琮 | 1064年-1073年 | |
| 奉元曆 | 衛朴 | 1074年-1091年 | |
| 觀天曆 | 皇后卿 | 1092年-1102年 | |
| 占天曆 | 姚舜輔 | 1103年-1105年 | |
| 紀元曆 | 姚舜輔 | 1106年-1126年 | |
| 金 | 大明曆 | 楊級 | 1127年-1179年 |
| 重修大明曆 | 趙知徵 | 1180年-1280年 | |
| 南宋 | 統元曆 | 陳德一 | 1135年-1160年 |
| 乾道曆 | 劉孝榮 | 1167年-1177年 | |
| 淳熙曆 | 劉孝榮 | 1177年-1190年 | |
| 會元曆 | 劉孝榮 | 1191年-1198年 | |
| 統天曆 | 楊忠輔 | 1199年-1206年 | |
| 開禧曆 | 包翰元 | 1207年-1250年 | |
| 淳祐曆 | 李德卿 | 1251年-1252年 | |
| 會天曆 | 譚玉 | 1253年-1270年 | |
| 成天曆 | 陳鼎 | 1271年-1274年 | |
| 乙未曆 | 耶律履 | 1180年 |
一啲特殊嘅曆法改
會計年度改
會計年度係指政府或者企業為預算、會計或納稅而設嘅年度。一個會計年度共有12個月，開始同結束時間就唔同國家唔同，例如美國嘅會計年度係由10月1號開始，到9月30號結束。印度同香港嘅會計年度都係由4月1號開始，到3月31號結束，不過有啲小公司嘅會計年度會由屠妖節開始，到隔年嘅屠妖節前一日結束。
會計上成日會用4/4/5 日曆，每一個月會有固定嘅週數，以便各月之間同各年之間嘅比較。例如一月固定有四個禮拜，二月固定有四個禮拜，三月固定有五個禮拜等等，每五至六年會自動加上第53週，ISO 8601係有關日期嘅國際標準化組織辦法，一個星期固定由禮拜一開始，到禮拜日結束。第一個禮拜係包括公曆入面一月四號嗰個禮拜。
參考資料改
引用改
- ↑ Zerubavel, The Seven Day Circle (University of Chicago Press, 1985).
- ↑ James Elkins, Our beautiful, dry, and distant texts 互聯網檔案館嘅歸檔，歸檔日期2020年9月22號，. (1998) 63ff.
- ↑ "Oldest lunar calendar identified". BBC News. 2000-10-16. 喺2013-03-14搵到.
來源改
- Fraser, Julius Thomas (1987), Time, the Familiar Stranger (第illustrated版), Amherst: Univ of Massachusetts Press, ISBN 0-87023-576-1, OCLC 15790499
- Whitrow, Gerald James (2003), What is Time?, Oxford: Oxford University Press, ISBN 0-19-860781-4, OCLC 265440481