旺角街市

旺角街市（英文Mong Kok Market），原本叫旺角嘴街市（英文Mong Kok Tsui Market)，係香港一個著名嘅街市。響旺角裏便，屬油尖旺區。以前地理來講，街市呢頭叫旺角嘴，所以最初叫旺角嘴街市。

露天嘅旺角街市

旺角街市交通方便

個街市1920年代地圖上就有記載，同家下街市大樓位置一樣，港鐵旺角站嘅西面，亞皆老街嘅西端，櫻桃街嘅東面附近。

旺角街市係一處露天嘅傳統街市，好似以前嘅墟一樣，買餸時間好多人嚟趁墟，佢哋有啲係街坊，有啲係跨區嚟買餸嘅師奶、情侶同埋阿伯，鍾意呢度就腳，餸菜海鮮夠集中，日常用品乜都有得買。旺角街市有一座地標式建築物大廈，又叫做旺角街市。環繞呢座街市大樓嘅周圍幾條街，就係呢個露天旺角街市。

旺角街市大廈

旺角街市大廈，有三層高，建築風格十足似中環街市，係包浩斯風格。當年起街市大廈，係希望街頭小販可以搬晒入去做生意，美化旺角市區環境。

出面網頁

• 〈旺角街市地圖〉. 中原地圖.