星火同盟

香港嘅非牟利組織
(由星火跳轉過來)

星火同盟英文Spark Alliance),係個喺香港嘅非牟利組織,旨在幫抗爭者,包括提供喺被捕後嘅支援[1],同埋畀受到檢控嘅抗爭者膳食同交通津貼[2],主要幫「13+3」[註 1]以外嘅政治犯,例如2016年旺角衝突等等嘅抗爭者[1]。佢喺2019年反修例運動入面亦幫過好多抗爭者。

成立原因

由於有好多旺角衝突嘅示威者冇人幫,加上有位創辦人受其他人幫過,想將自己受過嘅,都帶畀旺角衝突等等嘅抗爭者。所以,星火同盟就成立咗[3]

被控洗黑錢事件

2019年反修例運動入面,星火同盟喺支援被捕示威者嘅工作上有好大嘅貢獻,亦收到好多支持者嘅捐款。11月21號之後,星火同盟喺匯豐銀行嘅戶口被銀行停用,理由係戶口用途唔符合當初申請嘅用途,銀行亦因為見到戶口有頻繁嘅現金交易而向警方舉報。12月19號,警方拘捕咗星火同盟四位成員,話佢哋將基金入面嘅資金攞去做私人投資,懷疑同洗黑錢有關,同時凍結星火同盟約莫七千萬港紙資金[4]

  1. 「13+3」即係指因2016年新界東北撥款衝擊立法會案而入獄嘅13位青年,同埋因2014年公民廣場衝擊案而入獄嘅「雙學三子」黃之鋒羅冠聰周永康

參考

  1. 1.0 1.1 "【十一反威權】星火同盟為13+3以外抗爭者籌款 「各有各做,互相支持」". 香港獨立媒體. 2017-10-01. 喺2017-12-17搵到.
  2. "逆權少年". 香港電台「通識網」. 2017-09-25. 喺2016-12-17搵到.
  3. 朝雲 (2017-09-27). "守望相助,風雨不變(二) 星火同盟:想將自己受過嘅關懷,轉贈畀其他抗爭者". 香港獨立媒體. 喺2016-12-17搵到.
  4. "修例風波:警凍結星火同盟7千萬資產 拘4人包括學生". on.cc東網 (中文). 喺2019-12-20搵到.

連出去