昭憲皇太后

昭憲皇太后（日文：昭憲皇太后／しょうけんこうたいごう^{Shōken Kōtaigō}；1849年 5月9號—1914年 4月9號）係明治天皇老婆，原名一條美子（日文：一条美子〔一條美子〕／いちじょうはるこ^{Ichijō Haruko}）。

經歷編輯

1849年4月17號，昭憲皇太后喺京都一條家桃花殿出世，係一條忠香第三個女。

後生嘅昭憲皇太后

1867年5月18號，佢嫁畀明治天皇。同年6月28號女御宣下。1869年2月7號改名做美子，12月28號被冊立為皇后。佢大過明治天皇，為咗要避諱，官方資料改成1850年先至出世。

1912年7月30號，明治天皇駕崩。大正天皇繼位，佢成為皇太后。

1914年4月9號，佢死於心絞痛，享年64歲。諡號為昭憲皇太后。同老公明治天皇一齊葬喺京都伏見區伏見桃山陵。

由於冇親生仔女，所以佢收養老公嘅典侍柳原愛子啲仔女。

做緊皇后嗰陣，推動「華族女學校」（而家嘅學習院女子高中部）、「お茶の水の東京女子師範学校」（而家嘅御茶水女子大學）設立，致力於日本近代女子教育。此外亦都熱心從事慈善事業，對東京慈惠醫院同博愛社（而家嘅日本紅十字會）發展有所影響。^[1]