晾衫竹
晾衫竹，竹升一條，用來晾衫曬衫，亦叫衣裳竹。所用竹升，要夠直，先至容易擺位。要掛衫架，竹身唔會唔會太粗，以便衫架勾得到。同埋夠長，先至晾得多衫。後來亦有包塑膠膜，以保護竹身，以祈禁用啲，移動衫架順暢啲。
晾衫竹用法，可分用衫架定唔用。衫架就簡單啲，衫褲掛上衫架，衫架掛上去晾衫竹。唔用衫架，晾唔同嘢有種種方法。有以晾衫夾夾上去。大張如被之類，或者會就咁以掛上竹，有如對摺咁，兩邊有夾以防跌落。衫可以穿兩邊袖，褲可以穿褲管。
至於晾衫竹放法，就睇晾喺邊。室外擺喺於晾衫架上，竹兩頭有架支撐。有啲室內，天花頂頭兩端各安一架，可以放到幾支晾衫竹。而舊日香港公共屋邨，有所謂三支香啲插位，一個窿插一支竹[1]。