竹升
竹升（粵拼：zuk1 sing1；或者竹昇）係廣州話俗語，原本即係「竹杠」咁解，因為「杠」讀音好似「降」一樣，唔好意頭所以要避忌。
竹升亦都係指喺西方國家出世啲華人，因為竹竿係空心嘅，比喻佢哋個心冇中華文化嘅思維。男仔叫竹升仔，女仔叫竹升妹。中國大陸就叫佢哋做香蕉人，因為佢哋「黃皮白心」，外面係黃種人，但入面就係西方文化。
佢哋自細就受西方文化影響，唔多識中華文化，有啲識講中文，有啲唔識講中文，有啲明明識講都唔講，因為講慣咗英文。好多人認為竹升「兩頭都唔通」：呢啲人認為外國青年會認為「竹升」唔係自己友，好少會同佢哋做朋友[未記出處或冇根據]，但同喺大中華地區出世後先至移民當地嘅華人思維方式又唔同，一樣唔易同佢哋做朋友。呢種兩頭都唔通嘅情況，亦係「竹升」嘅解釋，因為竹有節，喺節嘅中間，就兩頭都唔通。