曲墜嘅意思係，當踢足球嘅時候，球員大腳將個波射高少少，借住急勁嘅上旋，即係個波由下至上高速旋轉嚟與空氣磨擦（伯努利原理 Bernoulli's principle），於是原本一直勁飛嘅波突然向下急墜，呢個技巧為之曲墜；而呢個技巧通常係射波嘅時候用。
曲墜若果耍得好，好多時會令到守門員錯誤判斷個波嘅來勢，造成俾人笠龍門嘅後果；而曲墜同拉篩一樣，都係要經過苦練先至踢得好。
喺一部出名嘅動畫同漫畫《足球小將》裏面，主角戴志偉擅長嘅絕技叫做「衝力射球」同埋「滑翔衝力射球」，其實都係講緊加咗好勁嘅上旋而射出嘅曲墜波。
