曲玉權

曲玉權（粵拼：kuk1 juk6 kyun4；簡化字：曲玉权；1978年7月9號—2017年1月27號）係中國人民警察，黑龍江省哈爾濱人，2003年12月參加民警執法工作。

2017年1月27號16:59（UTC+8），佢接到哈爾濱當地有間KTV啲服務員報警話有人打交時而出動，到咗案發現場處理單案時，俾位違法人士攞路上嚿磚掟爆天靈蓋。雖然事發後，曲玉權第一時間被送到醫院，但經過兩個鐘嘅搶救，最後證實不治，終年38歲。

單襲警案因性質惡劣而震驚全中國大陸社會界，當地公安收到料後第一時間捉咗參與案發嘅4位嫌疑人，重有1位嫌疑人亦喺案發第二日捉咗。但案發後第二日，有位網友喺微博公開醜化佢而被拘留10日。