曹叡
曹叡（叡讀銳，粵拼：cou4 jeoi6；205年—239年1月22號），字元仲（jyun4 zung6），係中國三國時代曹魏嘅第二位皇帝。佢係魏文帝曹丕嘅大仔，生母係文昭甄皇后[1]。
| 曹叡 | |
|---|---|
| 曹魏 皇帝 | |
| 生 | 205年 |
| 死 | 239年 |
| 前任 | 魏文帝曹丕 |
| 繼任 | 齊王曹芳 |
| 老豆 | 曹丕 |
| 仔女 | 曹冏、曹穆、曹殷、曹詢、曹芳、曹髦、曹奐、曹淑同理齊長公主 |
| 遞啲名 | |
| 字 | 元仲 |
| 諡號 | 明帝 |
| 廟號 | 烈祖 |
生平
編輯早年
編輯曹叡係曹丕元配甄夫人所生，自細就得到阿爺曹操嘅鍾愛，曹操成日都將佢帶喺自己身邊，並且對佢有好高嘅評價[2][3]。佢十五歲嗰年俾封做武德侯，黃初二年封齊公，第二年封平原王。由於甄夫人得罪咗曹丕，所以曹丕冇即刻立曹叡做太子，有一段時間曹丕甚至想立另一個仔做太子[4]。黃初七年(226年)，曹丕就嚟病死，佢先至立曹叡做太子，又召曹真、曹休、陳群、司馬懿，要佢哋接受遺詔，輔佐嗣主[5]。
親政
編輯226年五月，曹丕喺嘉福殿駕崩，曹叡繼位[6]。同年八月，孫權攻打江夏郡，嗰時有大臣提議派人幫手。曹叡分析話：「孫權水戰好叻，佢今次喺諗住趁太守文聘唔注意嗰陣嚟偷襲，所以先至敢落船攻打。但係而家佢哋打唔落嚟，又冇乜特別嘅優勢，所以肯定唔會繼續堅持落去。」之後孫權真係選擇咗撤軍[7]。十二月，東吳嘅諸葛瑾同埋張霸攻打襄陽，司馬懿將佢哋做低，征東大將軍曹休亦都喺尋陽做低咗另一支東吳軍隊[8]。227年十一月，曹叡立毛氏為皇后[9]。同年十二月，新城太守孟達作反，曹叡派司馬懿去鎮壓叛亂[10]。228年正月，司馬懿成功做低咗孟達[11]。同年，蜀國丞相諸葛亮攻打隴西，天水、南安、安定三郡投降諸葛亮[12]。曹叡派大將軍曹真到關右督軍。右將軍張郃喺街亭做低咗諸葛亮，諸葛亮走返蜀漢，原先投降嘅嗰三郡又重新俾曹魏攞返[13]。同年九月，曹休喺石亭俾吳將陸遜做低[14]。十二月，諸葛亮又嚟打陳倉，但係冇打落嚟[15]。遼東太守公孫恭俾自己侄仔公孫淵趕咗落台，曹魏於是認咗公孫淵做遼東太守[16]。
晚年
編輯234年，諸葛亮喺五丈原病死。曹叡見到呢個心腹大患已經死咗，於是開始享受人生。佢不斷起新嘅宮殿，搞到好多人因為被叫去起宮殿而耕唔到田。楊阜同埋高堂隆呢啲大臣都好反對，曹叡冇聽佢哋嘅意見，但亦都冇罰佢哋[17]。237年，遼東太守公孫淵作反，佢做低咗嚟打自己嘅幽州刺史毌丘儉[18]。毌丘儉走咗之後，公孫淵自立做燕王，並且整咗自已嘅政府官員同埋年號[19]。第二年，曹叡派太尉司馬懿去打低公孫淵[20]，高句麗亦都派兵幫手[21]。佢哋將公孫淵做低，平定咗成個遼東地區[22]239年正月丁亥，曹叡病重，佢搵咗司馬懿過嚟，叫佢同大將軍曹爽一齊輔佐自己個仔。冇耐，曹叡就喺嘉福殿駕崩，時年三十六歲[23]。癸丑，曹叡落葬高平陵[24]。
參攷
編輯引用
編輯- ↑ 《三國志·魏書三·明帝紀》:明皇帝諱叡，字元仲，文帝太子也。
- ↑ 《魏書》：帝生數歲而有岐嶷之姿，武皇帝異之，曰：「我基於爾三世矣。」每朝宴會同，與侍中近臣並列帷幄。好學多識，特留意於法理。
- ↑ 《三國志·魏書三·明帝紀》：生而太祖愛之，常令在左右。
- ↑ 《三國志·魏書三·明帝紀》：年十五，封武德侯，黃初二年爲齊公，三年爲平原王。以其母誅，故未建爲嗣。
- ↑ 《三國志·魏書二·文帝紀》:夏五月丙辰，帝疾篤，召中軍大將軍曹真、鎮軍大將軍陳羣、征東大將軍曹休、撫軍大將軍司馬宣王，並受遺詔輔嗣主。
- ↑ 《三國志·魏書三·明帝紀》:七年夏五月，帝病篤，乃立爲皇太子。丁巳，即皇帝位，大赦。
- ↑ 《三國志·魏書三·明帝紀》：八月，孫權攻江夏郡，太守文聘堅守。朝議欲發兵救之，帝曰：「權習水戰，所以敢下船陸攻者，幾掩不備也。今已與聘相持，夫攻守勢倍，終不敢久也。」先時遣治書侍御史荀禹慰勞邊方，禹到，於江夏發所經縣兵及所從步騎千人乘山舉火，權退走。
- ↑ 《三國志·魏書三·明帝紀》：吳將諸葛瑾、張霸等寇襄陽，撫軍大將軍司馬宣王討破之，斬霸，征東大將軍曹休又破其別將於尋陽。
- ↑ 《三國志·魏書三·明帝紀》：十一月，立皇后毛氏
- ↑ 《三國志·魏書三·明帝紀》：新城太守孟達反，詔驃騎將軍司馬宣王討之。
- ↑ 《三國志·魏書三·明帝紀》：二年春正月，宣王攻破新城，斬達，傳其首。
- ↑ 《三國志·魏書三·明帝紀》：蜀大將諸葛亮寇邊，天水、南安、安定三郡吏民叛應亮。
- ↑ 《三國志·魏書三·明帝紀》：遣大將軍曹真都督關右，並進兵。右將軍張郃擊亮於街亭，大破之。亮敗走，三郡平。
- ↑ 《三國志·魏書三·明帝紀》：秋九月，曹休率諸軍至皖，與吳將陸議戰於石亭，敗績。
- ↑ 《三國志·魏書三·明帝紀》：十二月，諸葛亮圍陳倉，曹真遣將軍費曜等拒之。
- ↑ 《三國志·魏書三·明帝紀》：遼東太守公孫恭兄子淵劫奪恭位，遂以淵領遼東太守。
- ↑ 《三國志·魏書三·明帝紀》：是時，大治洛陽宮，起昭陽、太極殿，築緫章觀。百姓失農時，直臣楊阜、高堂隆等各數切諫，雖不能聽，常優容之。
- ↑ 《三國志·魏書三·明帝紀》:淵發兵反，儉進軍討之，會連雨十日，遼水大漲，詔儉引軍還。
- ↑ 《三國志·魏書三·明帝紀》：淵自儉還，遂自立爲燕王，置百官，稱紹漢元年。
- ↑ 《三國志·魏書八·二公孫陶四張傳》二年春，遣太尉司馬宣王徵淵。
- ↑ 《三國志·魏書三十·烏丸鮮卑東夷傳》： 景初二年，太尉司馬宣王率衆討公孫淵，宮遣主簿大加將數千人助軍。
- ↑ 《三國志·魏書八·二公孫陶四張傳》：壬午，淵眾潰，與其子脩將數百騎突圍東南走，大兵急擊之，當流星所墜處，斬淵父子。城破，斬相國以下首級以千數，傳淵首洛陽，遼東、帶方、樂浪、玄菟悉平。
- ↑ 《三國志·魏書三·明帝紀》：三年春正月丁亥，太尉宣王還至河內，帝驛馬召到，引入卧內，執其手謂曰：「吾疾甚，以後事屬君，君其與爽輔少子。吾得見君，無所恨！」宣王頓首流涕。即日，帝崩于嘉福殿，時年三十六。
- ↑ 癸丑，葬高平陵。