望夫石

望夫石（英文Amah Rock或Statue Rock），香港一石，亦係香港名勝，喺沙田紅梅谷對上，遠處睇似亞媽孭仔而聞名，似等老公返來，因而叫望夫石。石喺一山之上，山高二百五十一米。頂頭巨石相疊，大數十圍，六七人高。由紅梅谷上望石夫，大概爬二十分鐘。

舊日望夫石

不少香港人慕名上石，咁多年來，石邊有唔少塗鴉。二〇〇七年十一月，漁農及自然護理署同其他八個團體，網上香港最美岩石選舉，望夫石得第一，可見佢幾咁受歡迎。

構造

近觀望夫石

望夫石係石柱，花崗岩來。因風化而裂成幾節。母嗰一邊高啲，望向沙田。