朱凱廸
朱凱廸（Eddie Chu Hoi-dick，1977年9月29號—），人稱「廸廸」、「廸仔」、「朱隊友」、「自決派教父」，係第六屆香港立法會議員，香港本土行動成員同土地正義聯盟執委，活躍社會運動，喺2006年參加過反清拆中環天星碼頭嘅示威，2007年又爭取保留皇后碼頭。佢亦係菜園村關注組成員，參加反高鐵運動。
| 朱凱廸 Eddie Chu Hoi-dick | |
|---|---|
.png) 2020年 | |
 香港立法會議員 | |
| 任期 2016年10月1號－2020年9月30號 | |
| 前任 | 李卓人 |
| 繼任 | 未有 |
| 選區 | 新界西 |
| 多數票 | 2016年：84,121 (13.94%) |
| 個人資料 | |
| 出世 | 1977年9月29號.svg){kind=small} 英屬香港 |
| 國籍 |  中國（香港） |
| 政黨 | 朱凱廸新西團隊（2016ー2021） |
| 配偶 | 區佩芬 |
| 仔女 | 朱不遷 |
| 居住地 | 香港新界八鄉 |
| 母校 | 高主教書院（小學部） 高主教書院 香港中文大學 德黑蘭大學 |
| 職業 | 社運人士 政治人 |
| 簽名 |  |
唔好同朱凱婷搞亂。底細 編輯
朱凱廸喺香港中文大學英文系畢業，畢業之後喺《明報》國際版做編緝，2004年唔做，自己畀錢去咗伊朗讀書，學波斯話[1]。希望有一日去報導阿富汗戰爭。喺伊朗、阿富汗、巴基斯坦留咗三四年之後，返到香港[2]。
2016年，朱凱廸參選第6屆香港立法會選舉嘅新界西直選，以84121票高票當選，成為當屆立會直選票王，當時啲人形容佢嘅當選係「輸喺起跑線，贏喺終點線」[3][4]。當選之後，佢同佢屋企人收到死亡恐嚇，搞到佢哋唔敢返屋企，重要搵差人提供人身保護，懷疑係喺鄉郊土地發展議題上得罪某啲勢力而畀人報復。
2020年9月尾，因為抗議政府剝奪公民黨多名議員資格，佢同其他民主派議員先後劈炮唔撈，唔再延任立法會議員，2021年1月6號，佢因為參加2020年立會泛民初選而犯咗（北京未經廣泛諮詢或香港人事先廣泛同意單方面訂立嘅）香港國家安全法被捕，2月尾還柙到而家。
註 編輯
- ↑ 〈走出報館鳥籠，朱凱迪浪跡伊斯蘭世界〉. 香港浸會大學新聞系實習報章新報人. 原著喺2009-10-11歸檔. 喺2009-03-06搵到.
- ↑ 〈立會票王朱凱廸：他們要民族自決，我要民主自決〉. 端傳媒. 2016-09-07.
- ↑ 「輸喺起跑線，贏喺終點線」呢句話原本係用嚟形容「巴基之星」嘅
- ↑ 〈三訪朱凱廸：讓逸東村成為真實烏托邦，可能嗎？〉. 立場新聞. 原著喺2016-08-02歸檔. 喺2016-07-29搵到.
