朱汝珍
朱汝珍（1870年—1942年），原名倬冠，字玉堂，號聘三，又號隘園，廣東清遠人，係中國歷史上最後一次科舉榜眼，以書法名世。
生平
編輯阿爸朱猷章，五品武官，做過知府[1]。朱汝珍喺北京長大[2]。
朱汝珍考到縣試第一，入讀清遠縣學。1892年考入廣雅書院，取廣州府闈第一。27歲考取拔貢，任刑部江蘇司行走。光緒三十年（1904年）為慶祝慈禧太后七旬壽辰特設甲辰恩科，被拔為榜眼，授翰林院編修。
中華民國成立之後，朱主要從事文化教育事業。創辦香港隘園學院、香港孔教學院，任院長。曾受聘於香港大學，任哲學文詞教習。又做過香港孔聖會會長。
抗日戰爭初期，朱汝珍喺香港主持清遠公會，從事慈善事業。1942年到北京，無耐病逝[3]。
撰有《陽山縣志》、《詞林輯略》等[4]。
參考
編輯- ↑ 〈隘园：朱汝珍故居〉。清远日报。原著喺2011-07-15歸檔。
- ↑ 〈有关末科榜眼朱汝珍的补充订正〉。广州文史网。原著喺2020年4月24號歸檔。喺2018年6月26號搵到。
- ↑ 〈朱汝珍的故事〉。清城区政府网站。原著喺2011-07-07歸檔。
- ↑ 梁彩虹。〈末代榜眼朱汝珍与阳山〉。清远网。原著喺2016-03-04歸檔。