朱由崧
朱由崧（1607年9月5號—1646年7月1號）係南明第一位皇帝，1644年登基，建都南京，跟廟號叫明安宗，因為年號係弘光，又叫弘光皇帝。
朱由崧迷戀酒色，係南明王朝咁多位君主當中，品格最差嘅一位皇帝。
生平
編輯朱由崧係明神宗嘅孫，福忠王朱常洵嫡長子。崇禎十四年正月，李自成部隊攻陷洛陽，朱常洵死咗，朱由崧走甩咗，繼承咗福王個位。崇禎十七年（1644年）三月，李自成攻入北京，明思宗吊頸死。消息傳到南京之後，嗰度啲大臣擁立朱由崧做皇帝。佢喺五月登基，改第二年做弘光元年。
1645年三月，左良玉喺武昌起兵作反。五月，清軍渡過長江，弘光帝逃走，畀想投降嘅明軍捉住，送咗去清軍度。閏六月，朱聿鍵喺福州登基做皇帝。弘光帝畀清軍押返北京，喺1646年被處死。