李克強

李克強
李克強
	李克強（2023年）
羅馬拼音	Li Keqiang
出世	1955年7月1號; 中國安徽定遠
死	2023年10月27號（68歲）; 中國上海
國籍	中華人民共和國
職業	中國共產黨第五代領導人
出名原因	中國共產黨中央政治局常務委員會委員; 中華人民共和國國務院黨組書記; 中華人民共和國國務院總理; 中華人民共和國國務院副總理; 中國共產主義青年團第一書記;
宗教信仰	無神論
配偶	程虹
仔女	一個女
父母	父：李奉三，母：曹麗俊
簽名

李克強（粵拼：lei5 hak1 koeng4；簡化字：李克强；1955年 7月1號—2023年 10月27號），安徽定遠人。第十七至十九屆中共中央政治局常委，前中華人民共和國國務院總理兼國務院黨組書記，之前做過國務院副總理同埋中國共青團第一書記。

任職同分工

國務院總理、黨組書記
中共中央政治局常委
中央全面深化改革領導小組副組長
中央財經領導小組副組長
中央國家安全委員會副主席
中央編制委員會主任
國家國防動員委員會主任
國家能源委員會主任

早年

李克強係1970年代尾高考恢復後第一批北京大學學生，返大學期間做過北大學生會主席，畢業後在職獲得經濟學博士。

步入政界

李克強1980年代任北京大學團委書記、中國共青團中央書記處書記、全國青聯副主席。1993年至1998年任共青團中央書記處第一書記。1998年至2002年任河南省省長。2002年至2003年任河南省委書記、省長。2003年至2004年任河南省委書記、省人大常委會主任。2004年至2007年任中共遼寧省省委書記、省人大常委會主任。

進入中央

2007年10月喺中共十七屆一中全會上進入中國共產黨中央政治局，同習近平一樣唔經政治局委員級別，直接成為中共中央政治局常委，成為中國最高決策層成員之一。

2007年11月被任命為為國務院黨組副書記，中共中央財經領導小組成員，為2008年第十一屆全國人大上面接任排名第一嘅國務院副總理做準備^[1]。

2008年3月17號，李克強喺十一屆全國人大一次會議第七次全體會議當選為國務院副總理。

中共第十五屆、十六屆、十七屆中央委員，十七屆、十八屆、十九屆中央政治局委員、常委。第八屆全國人大常委會委員。

政府總理

李克強被外界普遍認為係接替溫家寶，下任國務院總理呼聲最高嘅候選人。雖然曾經盛傳另一位負責經濟嘅副總理王岐山可能威脅到李克強嘅接班優勢，不過喺李克強高調訪問歐洲之後，媒體又傳係為李克強接任總理做準備。佢一般被認為會成為繼習近平之後，另一位中共中央第五代領導集體嘅重要成員^[2]。

李克強最終順利喺2013年3月嘅第十二屆全國人大第一次會議上面以超過99%嘅票數當選國務院總理，并組閣成立新一屆政府。2023年卸任，交棒畀李強。

外交活動

2013年6月李克強會見到訪嘅韓國總統朴槿惠
2014年2月李克強會見美國國務卿約翰·克里
2015年5月李克強同巴西總統迪爾瑪·羅塞夫一齊出席會議
2015年7月李克強喺法國出席工商峰會同總理曼紐爾·瓦爾斯會面

爭議

李克強訪港期間保安爭議

2011年8月16到18號，李克強訪港，佢宣布中央支持香港發展嘅六方面政策，叫做6招36式，但响8月18號就遇上三名大學生抗議示威，期間保安安排引起拗撬，史稱「哭港大」。

「中國6億人月入僅1000蚊」言論爭議

2020年5月28號，李克強喺第十三屆全國人大第三次會議結束後，跟住例牌出席咗總理記者會^[3]。喺記者會上，李克強交代咗中國當前有6億人口每月收入得人民幣1000蚊左右^[4]。2020年正值中共中央總書記習近平提出嘅脫貧收官之年，李克強嘅言論引發外界廣泛爭議^[5]。

屋企

阿爸李奉三做過安徽省鳳陽縣縣長，安徽省蚌埠市中級人民法院院長，安徽省地方志辦公室副主任。同父異母阿哥李克平，做過安徽省計劃委員會副廳長。家姐李曉晴（安徽省國資委信息中心主任）、細佬李克明現任國有重點大型企業監事會主席，前任國家煙草專賣局副局長^[6]。

佢老婆程虹係大學英文教授，獨生女喺北京大學畢業，家陣喺美國留學^[7]。

參考

↑ 张丹红 (2007-10-22)。〈十七大闭幕：陈规俗矩下既依稀曙光〉。德國之聲。原先內容歸檔喺2011-02-03。喺2007-10-22搵到。
↑ 〈李克強高調訪歐顯示接班總理趨穩〉。原先內容歸檔喺2011年12月27號。喺2011年8月16號搵到。
↑ 〈（两会受权发布）李克强总理出席记者会并回答中外记者提问-新华网〉。www.xinhuanet.com。原先內容歸檔喺2020-06-06。喺2021-03-28搵到。
↑ 〈中國地攤經濟：後疫情時代全民擺攤能否解決就業難〉。《BBC News 中文》 (繁體中文)。2020-06-05。原先內容歸檔喺2020-06-06。喺2021-03-28搵到。
↑ 〈【習李鬥】內媒紛紛引數據力撐李克強財新網：6億人月收$1,191 ｜蘋果日報〉。《Apple Daily 蘋果日報》 (香港中文)。原先內容歸檔喺2020-06-06。喺2021-03-28搵到。
↑ 父为基层官员性格相似互聯網檔案館嘅歸檔，歸檔日期2010年11月25號，.，東方日報
↑ 〈中共领导人李克强妻子程虹係一位学者〉。中国日报。2010-02-08。原先內容歸檔喺2011-11-22。喺2011-08-16搵到。

出面網頁

政府職務
前任：溫家寶	中華人民共和國國務院總理 2013年3月-2023年3月	繼任：李強
前任：吳儀（接管黃菊工作）	中華人民共和國國務院副總理（排名第一） 2008年3月-2013年3月	繼任：張高麗
前任：馬忠臣	河南省人民政府省長 1998年7月－2003年1月	繼任：李成玉
黨職
前任：聞世震	中國共產黨遼寧省委員會書記 2004年12月－2007年10月	繼任：張文岳
前任：陳奎元	中國共產黨河南省委員會書記 2002年12月－2004年12月	繼任：徐光春
前任：宋德福	中國共產主義青年團第一書記 1993年－1998年	繼任：周強

[十七大-1] 张丹红 (2007-10-22)。〈十七大闭幕：陈规俗矩下既依稀曙光〉。德國之聲。原先內容歸檔喺2011-02-03。喺2007-10-22搵到。

[2] 〈李克強高調訪歐顯示接班總理趨穩〉。原先內容歸檔喺2011年12月27號。喺2011年8月16號搵到。

[3] 〈（两会受权发布）李克强总理出席记者会并回答中外记者提问-新华网〉。www.xinhuanet.com。原先內容歸檔喺2020-06-06。喺2021-03-28搵到。

[4] 〈中國地攤經濟：後疫情時代全民擺攤能否解決就業難〉。《BBC News 中文》 (繁體中文)。2020-06-05。原先內容歸檔喺2020-06-06。喺2021-03-28搵到。

[5] 〈【習李鬥】內媒紛紛引數據力撐李克強財新網：6億人月收$1,191 ｜蘋果日報〉。《Apple Daily 蘋果日報》 (香港中文)。原先內容歸檔喺2020-06-06。喺2021-03-28搵到。

[6] 父为基层官员性格相似互聯網檔案館嘅歸檔，歸檔日期2010年11月25號，.，東方日報

[ch-7] 〈中共领导人李克强妻子程虹係一位学者〉。中国日报。2010-02-08。原先內容歸檔喺2011-11-22。喺2011-08-16搵到。

[1]

[2]

[3]

[4]

[5]

[6]

[7]