李德麟(Andrew Lee),香港人,祖籍上海市,係香港連鎖式餐廳扒王之王創辦人,香港息影女星林珍奇老公。

事業

1970年代,李德麟喺美國經營凍肉生意。1999年,李德麟以佢批發凍肉嘅經驗,決定進軍飲食界,喺九龍紅磡開設扒王之王主力賣牛扒,取得成功,其後不斷喺香港各區開設分店。截至2006年中,扒王之王有36間分店。曾經同張宇人合夥擁有馬匹好好食(好食團體名下)。

政治取態

2014年,特首梁振英政府推動嘅政改釀連串社運,李德麟嘅紅資藍絲背景被爆。《商報》同埋《文匯報》先後報導李德麟係土共組織「保普選反佔中大聯盟建制派身份[1][2]。政府資料亦有佢同時係俗稱保皇黨建制派功能組別香港中華總商會成員,同埋中國政協委員浙江代表。[3]

不過喺2019年反送中過幾個月,佢同扒王之王都無出過聲,所以至今重未遭到「示威攻擊」。[4]

屋企

1979年,已婚嘅佢邂逅赴美深造嘅息影女星林珍奇。1982年辦完離婚手續後,佢同林珍奇結婚,其後生咗1仔1女。

參考