牛扒粵拼ngau4 paa4*2),係一塊塊嘅牛肉),亦都係西餐中最成日見到嘅食品,煮法以為主。

牛扒
牛扒

詞源 編輯

清末小說中已出現「牛排」、「豬排」等西菜菜名,可能係因形似上海「大排」(豬丁骨),故名「排」。而喺上海話度,「排」發 [ba] 音,廣東人聽為「扒」[pa],所以廣東人叫牛扒[1]

生熟程度 編輯

 
牛肉部位區分
 
牛扒種類部位

有別於其他大部份熟食,牛扒通常唔會煮到全熟,而係可以以個人喜好去揀生熟程度。生熟程度以奇數區分,主要分為:

  • 全生(Raw):完全未煮過嘅生牛肉,呢種做法只會用喺某啲菜式例如韃靼牛肉基特富(Kitfo,埃塞俄比亞菜餚)或生牛肉沙律。
  • 一成熟(Rare):僅表面煎熟,呈灰啡色,切面為血紅色,裏面溫度約 48.9 °C(120 °F)。
  • 三成熟(Medium-Rare):外圍呈灰啡色,切面為血紅色,裏面溫度約 52.2 °C(126 °F)。
  • 五成熟(Medium):外圍呈灰啡色,切面為粉紅色,裏面重有血紅色,溫度約 57.2 °C(135 °F)。
  • 七成熟(Medium-Well):大部分呈灰啡色,裏面係粉紅色,溫度約 62.8 °C(145 °F)。
  • 全熟(Well-Done):表面少少燒燶,切面完全為灰啡色,裏面溫度約 73.9 °C(165 °F)。

牛扒種類 編輯

 
煎牛扒
 
西冷牛扒
  • 七打扒 — 牛腰肉(tenderloin),一隻牛得五、六磅。
  • 牛肩扒 — 從頸到肋骨(ribs)。
  • 牛仔骨 — 取自牛嘅前胸肋骨部位,幾肥。
  • 免翁牛柳 — 腰内肉部分牛腰肉(tenderloin),最嫩處切出,係牛脊上嘅肉,形狀頭大尾細,少肥,適合三成熟,吸收肉汁,肉質嫩,菲力牛扒包喺牛肚入面,所以肌肉都無運動到,故此肌肉纖維唔粗。
  • 牛腹扒 — 取自肚側。
  • 平鐵牛扒 — 牛膊頭部份切出。
  • 封門牛柳 — 喺中心附近嘅膈肌。肉味濃,側面最嫩,但中間有啲硬(sinewy)。通常叫做「屠夫嘅牛腰」(butcher's tenderloin)。
  • 紐約牛扒 — 取牛前腰脊肉(Strip Loin)嘅部份,大理石油花(Marbling)均勻,肉質同沙朗牛扒接近,有𡁻口,係美國人嘅最愛,故名。
  • 肉眼牛扒 — 靠近胸部嘅肋肌部,肉質嫩,大理石紋多且分佈均勻,中心部位有一塊明顯嘅油花,由於鮮嫩多汁,好多人鍾意,售價比較高,適合乾燒方式烹調。
  • 牛冧扒 — 後髀近屎窟部位切塊牛扒,如果無妥善烹煮,口感可能會較堅硬。
  • 西冷牛扒 — 西冷牛扒為牛胸脊肉部分,肉質細嫩度次於菲力牛扒,售價亦平過菲力牛扒,上端部分嘅西冷牛扒較為鮮嫩,售價亦稍高。
  • 牛腩扒 — 從隔膜(diaphragm)取得。非常好味,但亦好難煮。
  • T骨牛扒 — 由紐約牛扒同一小部分嘅免翁牛柳组合而成。一邊係紐約牛扒,另一邊係免翁牛柳,中間俾腰脊骨隔住。
一啲食品雖然有「steak」嘅名但唔係真正嘅牛扒:
  • 梳士巴利牛扒 — 唔係牛扒,而係用碎牛肉洋蔥蘑菇等做成嘅肉餅,亦叫做「漢堡牛扒」。
  • 牛扒他他 — 剁碎嘅牛肉加上洋蔥、洋香菜以及刺花蕾(俗稱酸豆),通常上枱時會佐以一隻生蛋黃。

文化 編輯

睇埋 編輯

參考 編輯

  1. 「牛排」、「牛扒」和「扒」 華語橋 2010-10-8
  2. . on.cc東網 (香港中文). 2017-02-13. 喺2021-06-29搵到.
  3. 人節自製燭光晚餐 大廚教煎完美心形牛扒 - 香港經濟日報 - TOPick - 休閒消費. topick.hket.com. 喺2021-06-29搵到.