李氏力場係香港網上、大眾傳媒流行，而未有科學根據嘅一種講法，話香港有錢人李嘉誠發明嘅一個可以阻擋熱帶氣旋吹襲香港嘅力場，令到近年香港好少受到颱風正面吹襲而搞到停工停課，即使有，都會喺周末或者放工後至返工前（夜晚至遞日凌晨）嘅時段出現，令股市唔受影響，市民又唔會因為颱風而得到額外假期。
