李遠榮

李遠榮（1941年－），香港親中派藝術家，祖籍福建南安縣，喺馬來西亞怡保市出世，曾經使用筆名馬馳原、李梅山。

早年經歷

佢曾經就讀怡保培南小學，1951年隨父母回南安縣定居，入讀國專小學同國光中學。1959年入讀廣州暨南大學中文系。1964年畢業後被分配到南安縣新僑中學任語文教師，去到1973年移居香港。

去到香港之後，佢喺育華中學任教語文，又喺漢華中學夜校兼教。1976年考取香港大學校外課程部實用中文課程證書。後來轉行從商，任香港晨風進出口有限公司董事。1992年公司結業，李遠榮獲介紹到中旅集團工作，擔任《中旅之星》刊物主編，去到2002年退休。

部分公職

• 兩岸和平發展聯合總會第四／五屆文教部主任
• 中國作家協會會員
• 中國文學藝術界聯合會香港會員總會會員
• 香港作家聯會秘書長
• 香港文促會常務副會長
• 北京師範大學國際華文文學發展研究所特約研究員
• 廣州暨南大學台港暨海外華文文學研究中心特約研究員
• 福建泉州黎明職業大學校董會董事
• 香港文聯常務副主席

家庭

佢老豆係李五香，生前係李光前嘅助手。

政治立場

佢係香港親中派嘅成員，曾經喺2014年1月去信香港立法會就行政長官同立法會選舉方式發表意見，話一定要跟進人大常委會同埋要維護國家安全。

另外，佢其中一篇散文《海峽兩岸一家親》獲1991年中國官媒《人民日報》海外版舉辦嘅「共愛中華」徵文比賽優秀獎。

部分著作

• 《名人往事漫憶》、《博採珍聞》、《文海過帆》、《李光前傳》、《翰墨情緣》、《郁達夫研究》
• 李遠榮編。《李遠榮評論集》。香港：香港文學報社出版公司，1999年
• 李遠榮。《秋思集》。香港：中國文化藝術出版社，2008年
• 李遠榮。《清心集》。香港：中國文化藝術出版社，2011年
• 《李光前傳》