李陞（1830年—1900年）係香港開埠初期一位富商。李陞原籍中國廣東新會，嚮1860年代去香港做生意，嚮1880年代已經成為香港著名巨富。嚮香港島擁有李陞街、高陞街、松秀東街同埋松秀西街，共四條街嘅業權。李陞熱心公益慈善同教育事業，先後（參與）創辦東華醫院同育才書社。身後李陞後人當時要交6百萬遺產稅，即係1895年財政盈餘（189萬）嘅3倍。李陞有8個仔，其中第3個仔李紀堂最有名，因為佢對香港社會最有貢獻。
